မြိုင်မြို့နယ်၊ ဝက်ပုတ်ပျူရွာကို ၄ ရက်ဆက်တိုက်ဗုံးကြဲတိုက်ခိုက်မှု တပ်ကြပ်ကြီး ၁ ဦးသေဆုံး (ရုပ်သံ)
D Day News
ဧပြီလ ၈
မကွေးတိုင်း၊ မြိုင်မြို့နယ်၊ ဝက်ပုတ်ရွာ ပျူစခန်းကို ၄ ရက် ဆက်တိုက် ဒရုန်းဖြင့် ဗုံးကြဲတိုက်ခိုက်ခဲ့ရာ အကြမ်းဖက်စစ်တပ်မှ တပ်ကြပ်ကြီး တစ်ဦးသေဆုံးခဲ့ကြောင်း မြိုင်ပကဖထံမှ သိရသည်။
ဧပြီလ ၃ ရက်နေ့မှ ၆ ရက်နေ့အထိ မြိုင်မြို့နယ်၊ ဝက်ပုတ်ပျူကျေးရွာကို ဒရုန်းဖြင့် အီနာဂါဗုံးသီး အကြီးစားများကြဲချ တိုက်ခိုက်ခဲ့ရာ အကြမ်းဖက်စစ်တပ်မှ တပ်ကြပ်ကြီး အဆင့်ရှိသူ တစ်ဦး သေဆုံး ပြီး ရဲ ၁ ဦး၊ ပျူ ၄ ဦး ဒဏ်ရာရရှိခဲ့ကြောင်း သိရသည်။
https://youtu.be/K9SDzIIAObU
အဆိုပါ တိုက်ခိုက်မှုကို မြိုင်ပကဖ ဒရုန်းအဖွဲ့နှင့် ဘာမထီပြောက်ကျားတပ်ဖွဲ့တို့ ပူးပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။
ထိုသို့ တိုက်ခိုက်ခံမှုကြောင့် ဝက်ပုတ်ကျေးရွာရှိ ပျူစောထီးများက လက်နက်ကြီးများဖြင့် ရမ်းသမ်း ပစ်ခတ်ခဲ့သဖြင့် အနီးရှိကျေးရွာများမှ ရွာသူရွာသားများ ဘေးလွတ်ရာသို့ တိမ်းရှောင်နေရကြောင်း သိရသည်။
D Day News
