မြိုင်မြို့အထွက်ဂိတ်ရှိ စစ်သားများကို ဗုံးကြဲပစ်ခတ်တိုက်ခိုက်မှု စစ်သား၊ ပျူများ ထိခိုက်သေဆုံးမှုရှိ (ရုပ်သံ)
D Day News
ဇွန်လ ၉
မကွေးတိုင်း၊ မြိုင်မြို့နယ်၊ မြိုင်မြို့အထွက်ရှိ အကြမ်းဖက်စစ်သားများကို ဗုံးကြဲပစ်ခတ်တိုက်ခိုက်ခဲ့ရာ စစ်သား၊ ပျူများ ထိခိုက်သေဆုံးမှုရှိကြောင်း မြိုင်ပကဖထံမှ သိရသည်။
ဇွန်လ ၆ ရက် ညနေ ၃ နာရီ အချိန်မှ စ၍ မြိုင်မြို့နယ်၊ မြိုင်မြို့၏ အရှေ့ဘက် မန္တလေးလမ်း အထွက် ဂိတ်ရှိ အကြမ်းဖက် စစ်ကောင်စီတပ်သားများကို လက်နက်ကြီး၊ လက်နက်ငယ်၊ ဒရုန်း တို့ဖြင့် ဗုံးကြဲ ပစ်ခတ်တိုက်ခိုက်ခဲ့ရာ ည ၈ နာရီအထိ ၅ နာရီအထိ အပြန်အလှန် ပစ်ခတ်တိုက် ပွဲကြာမြင့်ခဲ့ပြီး အ ကြမ်းဖက်သားများ ထိခိုက်သေဆုံးမှုရှိသော်လည်း အတိအကျ သိရှိနိုင်ရန် စုံစမ်းနေဆဲဖြစ်ကြောင်း သိရသည်။
https://youtu.be/0Fq84BITm2w
အဆိုပါ တိုက်ခိုက်မှုကို မြိုင်ပကဖ ၊ ဆားလင်းကြီးSSTF တို့မှ မြေပြင်မှ တိုက်ခိုက်ခဲ့ပြီး မြိုင် ပကဖ Drone Team ၊ Shar Htoo Waw နည်းပညာတပ်ဖွဲ့၏ Team (3) PDAF Shar Htoo Waw နည်း ပညာတပ်ဖွဲ့၏ Team (4) SSTF တို့က ဝေဟင်မှ ဗုံးသီးများဖြင့် ဗုံးကျဲတိုက်ခိုက်ခဲ့ခြင်းဖြစ်ပြီး ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။
ယင်းဂိတ်တွင် အကြမ်းဖက် တပ်သား၊ ရဲ နှင့် ပျူစောထီးတို့ အခြေချနေထိုင်ကာ ဘန်ကာများ အကျ အန တည်ဆောက်ထားကာ RC ၃ ထပ် တိုက်ပေါ် တွင် ခံစစ်ပြု ထားကြောင်း၊ အဆိုပါ ဘန်ကာကို သည့်အတွက် SSTF အဖွဲ့မှ RPG ငါးချက်အပါအဝင် လက်နက်ကြီး၊ လက်နက်ငယ်များဖြင့် ပစ်ခတ် တိုက်ခိုက်ခဲ့ကြောင်း သိရသည်။
တော်လှန်ရေးကာလ ၃ နှစ်ကျော်ကြာလသည်နှင့်အမျှ ပြည်သူများ အခက်အခဲဖြစ်ပေါ်နေသည်ကို နားလည်သော်လည်း တိုက်ပွဲ တစ်ပွဲဆင်နွှဲသည့်အခါတိုင်း လက်နက်ခဲယမ်း ကုန်ကျစရိတ်သည် လည်း များပြားလှသည့်အတွက် မိဘပြည်သူများအနေဖြင့် တော်လှန်ရေးမှာ ဆက်လက်ပါဝင်ပေးကြပါရန် မေတ္တာရပ်ခံတောင်းဆိုထားသည်။
