မြိုင်မြို့နယ်၊ ကန်နီပျူရွာအနီးတွင် မိုင်းရှင်းရန်ထွက်လာသော ရဲ၊ ပျူစောထီးများကို တိုက်ခိုက်မှု ၁ ဦး သေဆုံး
D Day News
ဇွန်လ ၁၀
မကွေးတိုင်း၊ မြိုင်မြို့နယ်၊ ကန်နီပျူစောထီးကျေးရွာအနီးတွင် မိုင်းရှင်းရန် ထွက်လာသော ရဲနှင့် ပျူ စောထီး များကို ပစ်ခတ်တိုက်ခိုက်ခဲ့ရာ ပျူစောထီးတစ်ဦး သေဆုံးခဲ့ကြောင်း Myaing Villages Revolution Front ထံမှ သိရသည်။
ယနေ့ ဇွန်လ ၁၀ ရက် နံနက် ၈ နာရီ ၃၄ မိနစ်အချိန်က မြိုင်မြို့နယ်၊ ကန်နီပျူစောထီးကျေးရွာမှ ရွာ ၏ အနောက်တောင်ဘက်သို့ မိုင်းရှင်းလင်းရန် ထွက်လာသောရဲ နှင့် ပျူစောထီး ၆ ဦးကို ပြည်သူ့ကာ ကွယ်ရေး ပူးပေါင်းတပ်ဖွဲ့မှ စောင့်ကြိုပစ်ခတ်တုက်ခိုက်ခဲ့ရာ ပျူစောထီး ၁ ဦးသေဆုံးပြီး ၂ ဦး ဒဏ် ရာ ရရှိခဲ့ကြောင်း သိရသည်။
ထိုသို့ တိုက်ခိုက်မှုအတွင်း ကန်နီပျူစောထီးကျေးရွာမှ လက်နက်ကြီးများဖြင့် ပစ်ကူပေးခဲ့ပြီး ရဲနှင့် ပျူ စောထီးများမှာ ရွာထဲသို့ ပြန်ဆုတ်ပြေးသွားကြောင်း၊ ထို့အပြင် ကန်နီပျူစောထီးကျေးရွာ အတွင်းနေ ထိုင်သူ ပြည်သူတစ်ဦးကိုလည်း ဖမ်းမိခဲ့ကြောင်း သိရသည်။
အဆိုပါ တိုက်ခိုက်မှုကို ပခုက္ကူခရိုင် အမှတ် ၂ တပ်ရင်း ၊ အမှတ် ၆ တပ်ရင်း နှင့် အမှတ် ၇ တပ်ရင်း များမှ ရဲဘော်များက တိုက်ခိုက်ခဲ့ခြင်းဖြစ်ပြီး ပြည်သူ့ကာကွယ်ရေး တပ်ဖွဲ့ဝင်များအထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။
D Day News
