မုံရွာမြို့တောင်ဘက်ရှိ မအူဂိတ်စခန်းနှင့် ညောင်ဖြူပင်ရဲစခန်းကို တိုက်ခိုက်မှု စစ်သား ၃ ဦးသေဆုံး
D Day News
ဇွန်လ ၆
စစ်ကိုင်းတိုင်း၊ မုံရွာမြို့တောင်ဘက်ရှိ မအူဂိတ်အထိုင်စစ်တပ်စခန်းကို ဝင်ရောက်တိုက်ခိုက်ခဲ့ရာ အ ပြန်အလှန်ပစ်ခတ်တိုက်ပွဲ ၂ နာရီခန့်ကြာပြီး အကြမ်းဖက်စစ်သား ၃ ဦးသေဆုံးခဲ့ကြောင်း မုံရွာ ခရိုင်တပ်ရင်း ၂ တပ်ခွဲ ၃ ထံမှ သိရသည်။
ဇွန်လ ၄ ရက် ညပိုင်းက မုံရွာမြို့တောင်ဘက်၊ မအူဂိတ်စခန်း၌ အထိုင်ချတပ်စွဲထားသော အကြမ်း ဖက်စစ်ကောင်စီတပ်သားများကို ပြည်သူ့ကာကွယ်ရေး ပူးပေါင်းတပ်ဖွဲ့မှ ဝင်ရောက်တိုက်ခိုက်ခဲ့ရာ အပြန်အလှန် ပစ်ခတ်တိုက်ပွဲ ၂ နာရီခန့်ကြာမြင့်ခဲ့ကြောင်း၊ အကြမ်းဖက်စစ်သား ၃ ဦးသေဆုံးကာ စစ်တပ်စခန်းအတွင်းရှိဘန်ကာများလည်း ထိခိုက်ပျက်စီးခဲ့ကြောင်း သိရသည်။
“ထပ်တိုးသေတာလည်းရှိနိုင်တယ်၊ အဲဒီညက ညတွင်းချင်းကားတွေနဲ့လာသယ်ထုတ်သွားတာ၊ မုံရွာမြို့ထဲကို သယ်သွားတာပါ။ တိုက်ပွဲက အတော်ကြာတယ်။ Drone ချတာလည်း ထိချက်က တိကျတယ်။ စစ်ခွေးတွေဘက်ကလည်း လက်နက်ကြီး အရေအတွက်တော်တော်များများကို ပြန်ပစ် တယ်။” ဟု မုံရွာခရိုင်တပ်ရင်း ၂ တပ်ခွဲ ၃ တပ်ခွဲမှူး ကိုဝေလင်းက ပြောကြားသည်။
ထိုသို့ တိုက်ခိုက်မှုအတွင်း အကြမ်းဖက်စစ်သားများက လက်နက်ကြီးဖြင့် ရမ်းသမ်းပစ်ခတ်မှုကြောင့် အနီးအနားကျေးရွာများ အတွင်းသို့ ကျရောက်ပေါက်ကွဲပြီး ပြည်သူတစ်ဦး ထိခိုက်ဒဏ်ရာရရှိခဲ့ ကြောင်း သိရသည်။
အဆိုပါ တိုက်ခိုက်မှုကို မုံရွာခရိုင်တပ်ရင်း ၂ တပ်ခွဲ ၃ -NPRF ၊ တပ်ခွဲ ၄ ၊ မုံရွာခရိုင် တပ်ရင်း ၂၇ ၊ ပြည်သူ့လွတ်မြောက်ရေးတပ်မတော်၊ စည်းလုံးညီညွတ်သောပြည်သူ့တပ်မတော်၊ Chindwin land Defence forces ၊ Area 71 ၊ Brave Heart Army ၊ Brother Revolution Force နှင့် Lighting Drone Force တို့မှ မြေပြင် ဝေဟင် ပူးတွဲကာ တိုက်ခိုက်ခဲ့ခြင်းဖြစ်ပြီး ပြည်သူ့ကာကွယ် ရေးတပ်ဖွဲ့ ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။
အလားတူ ဇွန်လ ၃ ရက် မွန်းတည့် ၁၂ နာရီ မိနစ် ၃၀ အချိန်ခန့်က မုံရွာမြို့နယ်၊ ညောင်ဖြူပင် ရဲစခန်း ထဲသို့ Fixed Wings Drone များဖြင့် ဗုံးသီးချခြင်း ၊ ၆၀ မမ လက်နက်ကြီးများဖြင့် ပစ် ခိုက်တိုက်ခိုက်ခဲ့ရာ အကြမ်းဖက်စစ်ကောင်စီတပ်သား ထိခိုက်သေဆုံးမှုကို စုံစမ်းနေဆဲဖြစ်ကြောင်း သိရသည်။
အဆိုပါ တိုက်ခိုက်မှုကို မုံရွာခရိုင်အမှတ် ၂၇ တပ်ရင်း၊ မုံရွာခရိုင်တပ်ရင်း ၂ တပ်ခွဲ ၃ – NPRF ၊ Brother Revolution Force ၊ Area 71 ၊PLA ၊ 5/Fighter ၊ Golden Eagle Force တို့ ပူးပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။
D Day News
