သံဖြူဇရပ် -ရေး အမြန်လမ်းမပေါ်တွင် စစ်ကောင်စီရွေးကောက်ပွဲအတွက် သင်တန်းတက်ရန် သွား ရောက်သည့် Non CDM ကျောင်းဆရာမ ၄ ဦးကို ထိန်းသိမ်းစစ်ဆေးပြီး ခံဝန်ကတိရေးထိုးကာ မိသား စု ထံပြန်လည်အပ်နှံ

သံလွင်မြန်မာသတင်း

ဩဂုတ်လ ၁၅

မွန်ပြည်နယ်၊ ရေးမြို့နယ်၊ ဝဲခမီကျေးရွာအနီး သံဖြူဇရပ် -ရေးလမ်းမပေါ်တွင် စစ်ကောင်စီ၏ ရွေး‌ ကောက်ပွဲအတွက် သင်တန်းတက်ရန် သွားရောက်သည့် Non CDM ကျောင်းဆရာမ ၄ ဦးကို ထိန်း သိမ်းစစ်ဆေးပြီး ခံဝန်ကတိရေးထိုးကာ မိသားစုထံ ပြန်လည်အပ်နှံခဲ့ကြောင်း မွန်ပြည်တော်လှန်ရေး တပ် – MSRF တပ်ဖွဲ့က ထုတ်ပြန်သည်။

ယမန်နေ့ ဩဂုတ်လ ၁၄ ရက်နံနက်ပိုင်းက မွန်ပြည်နယ် သံဖြူဇရပ် – ရေး အမှတ် – ၈ အမြန်လမ်း ပေါ်တွင် မွန်ပြည်ဖက်ဒရယ်ကောင်စီ (MSFC) ကာကွယ်ရေးဌာနအောက်ရှိ တပ်များဖြစ်သော မွန် ပြည်တော်လှန်ရေးတပ် (MSRF) နှင့် ရေးပြည်သူ့ကာကွယ်ရေးတပ် (YPDF) တပ်ဖွဲ့တို့မှ ခရီးသွား ပြည်သူများ၏ လုံခြုံရေးအတွက် စစ်ဆေးမှုများ ဆောင်ရွက်ခဲ့ရာ အကြမ်းဖက်စစ်ကောင်စီမှ ကျင်းပ ပြုလုပ်မည့် ရွေးကောက်ပွဲအတွက် သင်တန်းတက်ရောက်မည့် Non-CDM ပညာရေးဝန်ထမ်း ၄ ဦးကို ဖမ်းဆီးရရှိခဲ့ကြောင်း သိရသည်။

ထိုသို့ ဖမ်းဆီးရမိသည့် Non-CDM ပညာရေးဝန်ထမ်း ၄ ဦးကို မွန်ပြည်တော်လှန်ရေးတပ် (MSRF) နှင့် ရေးပြည်သူ့ကာကွယ်ရေးတပ် (YPDF) တပ်ဖွဲ့တာဝန်ရှိသူများက ၂၄ နာရီခန့် စစ်ဆေးရန် ထိန်းသိမ်းထားခဲ့ပြီး စစ်ကောင်စီ၏ ရွေးကောက်ပွဲတွင် ဆက်လက်ပါဝင် ပတ်သက်ခြင်းမပြုရန် ခံဝန်ကတိလက်မှတ်ရေးထိုးကာ ယနေ့ ဩဂုတ်လ ၁၅ ရက်တွင် ၎င်းတို့၏ မိသားစုဝင်များထံ ပြန် လည်အပ်နှံခဲ့ကြောင်း သိရသည်။

တော်လှန်ရေးတပ်ဖွဲ့များ၏ ဖမ်းဆီးထိန်းသိမ်းခြင်းခံရသူများမှာ ရေးမြို့နယ်၊ လမိုင်း အထက ကျောင်းမှ ဆရာမ ဒေါ်ဇာခြည်သော်၊ မော့ကနင် အထက ကျောင်းမှ ဆရာမဒေါ်ခင်လေးမွန်၊ နှစ်ကရင်အထက ကျောင်းမှ ဆရာ ဒေါ်ကြင်ဦးတို့အပါအဝင် ၄ ဦးဖြစ်ကြောင်း သိရသည်။

မွန်ပြည်နယ် ရေးမြို့နယ်အတွက် ရွေးကောက်ပွဲတွင် ပါဝင်ဆောင်ရွက်ကြမည့် Non – CDM ဝန်ထမ်းများ၏ စာရင်းများကို ရရှိထားပြီး ဆက်လက်ပါပူးပေါင်းပါဝင်နေသူများကို ဖမ်းဆီး အရေးယူသွားမည်ဖြစ်ကြောင်း ထုတ်ပြန်ထားသည်။