မင်းကင်းမြိုနယ်၊ မတောကျေးရွာ၌ မင်္ဂလာဆောင်ပွဲကျင်းပနေစဉ် စစ်တပ်က လေကြောင်းဖြင့် ဗုံးကြဲ တိုက်ခိုက်မှုကြောင့် သတို့သားအပါအဝင် ပြည်သူ ၂၀ ကျော်သေဆုံး
D Day News
ဇွန်လ ၃
စစ်ကိုင်းတိုင်း၊ မင်းကင်းမြို့နယ်၊ မတောကျေးရွာ၌ ကျင်းပလျက်ရှိသော မင်္ဂလာဆောင်ပွဲ တစ်ခုကို စစ်တပ်က လေကြောင်းဖြင့် တိုက်ခိုက်မှုကြောင့် သတိုးသားအပါအဝင် ပြည်သူ ၂၀ ကျော်သေဆုံးခဲ့ ကြောင်း ဒေသနေပြည်သူများထံမှ သိရသည်။
ယနေ့ ဇွန်လ ၃ ရက် နံနက် ၈ နာရီခွဲခန့်က မင်းကင်းမြို့နယ်၊ မတောကျေးရွာတွင် မင်္ဂလာဆောင်ပွဲ တစ်ခု ပြုလုပ်နေစဉ် အကြမ်းဖက်စစ်ကောင်စီတပ်မှ ဂျက်ဖိုက်တာဖြင့် ပေါင် ၅၀၀ ဗုံးသီး ၂ လုံး ကျဲ ချခဲ့ရာမင်္ဂလာဆောင် မဏ္ဍပ်ပေါ်သို့ တည့်တည့်ကျရောက်ပေါက်ကွဲခဲ့ပြီး သတို့သားအပါအဝင် ပြည် သူ ၂၀ ကျော်သေဆုံး ခဲ့ကြောင်း သိရသည်။
“ဒီ မနက် ၈ ခွဲလောက်နေမယ်။ ဂျက်ဖိုက်တာနဲ့ ပေါင် ၂၅၀ ဗုံးနှစ်လုံး လာကျဲ သွားတာ တလုံးက မဏ္ဍပ်ကို တည့်တည့် ထိမှန်ပေါက်ကွဲတာ၊ နောက်တလုံးကမပေါက်ကွဲဘူး သတို့သားဖြစ်သူပါ သေ ဆုံး၊ သေတဲ့သူတွေက မြင့်တက်လာနိုင်တယ်။ ဒဏ်ရာရသူတွေလဲများတယ်”ဟု ဒေသနေပြည်သူ တစ်ဦးက ပြောကြားသည်။
မင်းကင်းမြို့နယ်တွင် အင်တာနက်လိုင်း ဖုန်းလိုင်းများ ပိတ်ခံထားရပြီး ဆက်သွယ်ရေးခက်ခဲသဖြင့် သတင်းအတိအကျ ရရှိနိုင်ရန် ခက်ခဲနေကြောင်း သိရသည်။
D Day News
