သံလွင်မြန်မာသတင်း
စက်တင်ဘာလ ၄
မန္တလေးတိုင်း၊ မတ္တရာမြို့နယ်၊ ဆည်တော်ကြီးဓာတ်အားပေးစက်ရုံကို အကြမ်းဖက်စစ်ကောင်စီတပ် က Y12 လေယာဉ် ၊ ကာမီကာဇေဒရုန်းများဖြင့် ဗုံးကျဲတိုက်ခိုက်ခဲ့ရာ ထရမ်စဖော်မာ ၃ လုံးပျက်စီးခဲ့ ကြောင်း ပြည်သူ့ကာကွယ်ရေး တပ်မတော် -မန္တလေးက ထုတ်ပြန်သည်။
ယမန်နေ့ စက်တင်ဘာလ ၃ ရက် မွန်းလွဲ ၂ နာရီခန့်က မတ္တရာမြို့နယ်အတွင်းရှိ ဆည်တော်ကြီး ဓာတ် အားပေးစက်ရုံကို အကြမ်းဖက်စစ်ကောင်စီတပ်က Y-12 လေယာဉ်ဖြင့် ဗုံးသီး အလုံး ၅၀ ခန့်ကျဲချ သည့်အပြင် ကာမီကာဇေ (ဆူဆိုက်) ဒရုန်းများဖြင့်လည်း အကြောင်းမဲ့ ဗုံးကျဲတိုက်ခိုက်ခဲ့ ကြောင်း သိရသည်။
ထိုသို့ ကျဲချခဲ့သော ဗုံးသီးများမှာ ဆည်တော်ကြီး တာတမံအနီးတစ်ဝိုက်သို့ ကျရောက်ပေါက်ကွဲခဲ့ပြီး အချို့မှာ ဆည်တော်ကြီး ဓာတ်အားပေးစက်ရုံအတွင်းသို့ ကျရောက်ပေါက်ကွဲခဲ့ကာ ထရန်စဖော်မာ ၃ လုံး ပျက်စီးဆုံးရှုံးခဲ့ကြောင်း သိရသည်။
အဆိုပါ ဆည်တော်ကြီး ဓာတ်အားပေးစက်ရုံသည် ပုသိမ်ကြီးမြို့နယ် ၊ မတ္တရာမြို့နယ် ၊ စဉ့်ကူး မြို့ နယ် နှင့် သပိတ်ကျင်းမြို့နယ်တို့အတွက် လျှပ်စစ်မီးရရှိစေရန် အဓိကကျသော ဓာတ်အားပေးစက်ရုံ တစ်ခု ဖြစ်ကြောင်း သိရသည်။
Thanlwin Myanmar Media
