သံလွင်မြန်မာသတင်း
ဩဂုတ်လ ၁၇
မန္တလေးတိုင်း၊ ညောင်ဦးမြို့နယ်၊ စုတည်ရွာနှင့် ရွာသစ်တောင်ရွာကြားတွင် တိုက်ပွဲဖြစ်ပြီး စစ်သား ၁၅ ဦး ထက်မနည်းသေဆုံးခဲ့ကြောင်း People’s Democratic Army – PDA တပ်ဖွဲ့ထံမှ သိရသည်။
ဩဂုတ်လ ၁၄ ရက်နေ့ နံနက် ၁၁ နာရီက ညောင်ဦးမြို့မှ စစ်သားများနှင့် မြင်းခြံမြို့ပျူစောထီးခေါင်း သီတာယုမွန် လက်အောက်ခံ ပျူများ ပူးပေါင်း စစ်ကြောင်းကို ညောင်ဦးမြို့နယ်၊ စုတည်ရွာနှင့် ရွာ သစ်တောင်ရွာ ကြား ဘူတာရုံဟောင်းအနီးအရောက် ပြည်သူ့ကာကွယ်ရေးတပ်ဖွဲ့ဝင်များက ကြား ဖြတ်တိုက်ခိုက်ခဲ့ကြောင်း သိရသည်။
ယင်းတိုက်ပွဲအတွင်း စစ်ကောင်စီတပ်သား၊ ပျူစောထီး ၁၅ ဦး ထက်မနည်းသေဆုံးပြီး အများအပြား ဒဏ်ရာရရှိခဲ့ကြောင်း၊ တိုက်ပွဲဖြစ်ပွားရာနေရာအား နယ်မြေရှင်းလင်းစဉ် လက်ပစ်ဗုံး ၁ လုံး၊ အီနာဂါ ဗုံးသီး ၁ လုံး၊ ၅.၅၆ ကျည် ၁၉ ထောင့်နှင့် ၇.၆၂ ကျည် ၁၆ တောင့် တို့ကို သိမ်းဆည်းရရှိခဲ့ကြောင်းသိ ရသည်။
အဆိုပါ တိုက်ခိုက်မှုကို ပြည်သူ့ဒီမိုကရက်တစ်တပ်တော် – People’s Democratic Army – PDA မှ ရဲဘော်များက တိုက်ခိုက်ခဲ့ခြင်းဖြစ်ပြီး လက်ရှိအချိန်အထိ စစ်တပ်က အင်အားထပ်မံဖြည့်တင်းကာ စစ်ကြောင်း ထိုးနေသောကြောင့် မိဘပြည်သူများအနေဖြင့် စစ်ရေးသတိရှိစွာနေထိုင်ပေးကြပါရန် မေတ္တာရပ်ခံထားသည်။
Thanlwin Myanmar Media
