ငါန်းဇွန်မြို့နယ်တွင် မိုင်းထောင်ထားသည့်နေရာအနီး ကင်းပုန်းဝပ်နေသော စစ်သားများကို မိုင်းဆွဲ တိုက်ခိုက်မှု စစ်သား ၄ ဦးသေဆုံး
သံလွင်မြန်မာသတင်း
ဇူလိုင်လ ၉
မန္တလေးတိုင်း၊ မြင်းခြံခရိုင်၊ ငါန်းဇွန်မြို့နယ်တွင် မိုင်းထောင်ထားသည့်နေရာအနီး ကင်းပုန်းဝပ်နေ သော စစ်သားများကို မိုင်းဆွဲတိုက်ခိုက်ခဲ့ရာ စစ်သား ၄ ဦးသေဆုံးခဲ့ကြောင်း နဂါးနီပြောက်ကျားတပ် ဖွဲ့ -မြင်းခြံထံမှ သိရသည်။
ဇွန်လ ၆ ရက်နံနက် ၆ နာရီခန့်က ငါန်းဇွန်မြို့နယ်၊ မြို့သာရဲစခန်းနှင့် ဂွေးကုန်းရဲစခန်းမှ စစ်သားများ ပူးပေါင်း အင်အား ၂၀၀ ဖြင့် ထွက်လာပြီး မြို့သာ – ဂွေးကုန်းလမ်းပိုင်းပေါ်တွင် ပြည်သူ့ကာကွယ် ရေးတပ်ဖွဲ့များ ထောင်ထားသော မိုင်းများကို ဖော်ယူရန်ခရီးသွားပြည်သူကားများကို တားဆီးကာ ပြည်သူများကို ဓားစာခံလုပ်ထားခဲ့ကြောင်း သိရသည်။
ထိုသို့ မိုင်းများဖော်ယူမှုကြောင့် ပြည်သူများကို ထိခိုက်မည်စိုးရိမ်သဖြင့် မိုင်းဆွဲတိုက်ခိုက်ခြင်းမပြုပဲ နောက်ပေးလိုက်ရကာ မိုင်း ၁၀ လုံးခန့်ဖြုတ်ခံလိုက်ရကြောင်း သိရသည်။
ထို့အပြင် မိုင်းဖော်သည့် နေရာနှင့် အဝေးတစ်နေရာတွင် ထောင်ထားသော ပေပါမိုင်း ၂ လုံးအနီး မိုင်း ကွင်းထဲတွင် စစ်ကောင်စီတပ်သားအချို့က ကင်းပုန်းဝပ်နေခဲ့သောကြောင့် ပေပါမိုင်း ၂ လုံးကို ဖောက်ခွဲတိုက်ခိုက်ခဲ့ရာ စစ်သား ၄ ဦးသေဆုံးပြီး ၂ ဦးအပြင်းအထန်ဒဏ်ရာရရှိကာ ဖောကားတစ်စီး ဖြင့် ငါန်းဇွန်မြို့ဘက်သို့ သယ်ဆောင်သွားကြောင်း သိရသည်။
အဆိုပါ တိုက်ခိုက်မှုကို မြင်းခြံ တိုက်နယ် ၃ – နဂါးနီပြောက်ကျား ပြည့်သူ့ကာကွယ်ရေးတပ်ဖွဲ့မှ ရဲဘော်များက လုပ်ဆောင်ခဲ့ခြင်းဖြစ်ပြီး မိဘပြည်သူများအနေဖြင့် စစ်ကောင်စီတပ်သားများအနီး သွားလာနေထိုင်ခြင်းမပြုကြပါရန် ထုတ်ပြန်ထားသည်။
Thanlwin Myanmar Media
