တောင်သာမြို့နယ်၊ ကင်းဇလုပ်ကျေးရွာအနီးတွင် တိုက်ပွဲဖြစ်ပြီး စစ်သားများ ထိခိုက်သေဆုံးမှုရှိ
သံလွင်မြန်မာသတင်း
ဇွန်လ ၃၀
မန္တလေးတိုင်း၊ တောင်သာမြို့နယ်၊ ကင်းဇလုပ်ကျေးရွာအနီးတွင် တိုက်ပွဲဖြစ်ပြီး စစ်သားများ ထိခိုက် သေဆုံးမှုရှိကြောင်း မြင်းခြံခရိုင်အမှတ် ၃ တပ်ရင်းထံမှ သိရသည်။
ဇွန်လ ၂၅ ရက် နံနက် ၁၁ နာရီခန့်က တောင်သာမြို့နယ်၊ ကင်းဇလုပ်ကျေးရွာအနီးသို့ ဝင်ရောက်လာ သော စစ်တပ်စစ်ကြောင်းကို ပြည်သူ့ကာကွယ်ရေးပူးပေါင်းတပ်ဖွဲ့များမှ တိုက်ခိုက်ခဲ့ရာ စစ်ကောင်စီ တပ်သားအများအပြား ထိခိုက်သေဆုံးမှုရှိပြီး ၆၀ မမ ဗုံးသီး၁၂ လုံး နှင့် RPG ထိပ်ဖူး ၁ ဖူး တို့ သိမ်း ဆည်း ရရှိခဲ့ကြောင်း သိရသည်။
အဆိုပါ တိုက်ခိုက်မှုကို မြင်းခြံခရိုင်အမှတ် ၃ တပ်ရင်းနှင့် ညောင်ဦးခရိုင်အမှတ် ၅ တပ်ရင်းတို့ ပူး ပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။
ထိုသို့ အထိနာသောကြောင့် စစ်ကောင်စီတပ်က ဇွန်လ ၂၆ ရက် မွန်းလွဲ ၁ နာရီနှင့် ညနေ ၅ နာရီတို့ တွင် Mi 35 ရဟတ်ယာဉ် ၃ စီးဖြင့် ကင်းဇလုပ်ကျေးရွာ ပတ်ဝန်းကျင်ကို ပစ်ခတ်တိုက်ခိုက်ခဲ့ကြောင်း၊ ဇွန်လ ၂၇ ရက် နံနက် ၃ နာရီတွင် ကင်းဇလုပ်ကျေးရွာအတွင်း ဝင်ရောက်တပ်စွဲထားသော စစ်ကြောင်းမှာ ငါ့သရောက် နယ်မြေရဲစခန်းသို့ ပြန်လည် ဆုတ်ခွာသွားကြောင်း သိရသည်။
Thanlwin Myanmar Media
