ညောင်ဦးမြို့မှ တင့်ကား ၃ စီးပါ စစ်ကြောင်းကို တိုက်ခိုက်မှု စစ်သားများ ထိခိုက်သေဆုံးမှုရှိ၊ စစ် ကြောင်းထိုးလှုပ်ရှားနေမှုကြောင့် ကျေးရွာ ၁၀ ရွာမှ ပြည်သူသောင်းချီ စစ်ဘေးရှောင်နေရ
သံလွင်မြန်မာသတင်း
ဇွန်လ ၂၄
မန္တလေးတိုင်း၊ ညောင်ဦးမြို့နယ်၊ ညောင်ဦးမြို့မှ တင့်ကား ၃ စီးပါ စစ်တပ်စစ်ကြောင်းကို တိုက်ခိုက်ခဲ့ ရာ စစ်သားများ ထိခိုက်သေဆုံးမှုရှိပြီး ကျေးရွာ ၁၀ ရွာမှ ပြည်သူသောင်းချီ၍ စစ်ဘေးရှောင်နေရ ကြောင်း People Democratic Army – PDA တပ်ဖွဲ့က ထုတ်ပြန်သည်။
ယမန်နေ့ ဇွန်လ ၂၃ ရက်နေ့တွင် ညောင်ဦးမှထွက်လာသော တင့်ကား ၃ စီးပါ စစ်တပ် စစ်ကြောင်း တစ် ကြောင်း၊ တောင်ဇင်းရဲစခန်းမှ ထွက်လာသော အင်အား ၈၀ ခန့်ပါ စစ်ကြောင်း စစ်ကြောင်း တို့ကို မိုင်းဆွဲ ပစ်ခတ်တိုက်ခိုက်ခဲ့ရာ အပြန်အလှန် ပစ်ခတ်တိုက်ပွဲ ၁၅ မိနစ်ခန့်ကြာမြင့်ခဲ့ကြောင်း၊ ညောင် ဦးမြို့မှ ထွက်လာသော တင့်ကားပါ စစ်ကြောင်းကိုလည်း တိုက်မိုင်းဆင်၍ တိုက်ခိုက်ခဲ့ရာ စစ်သားများ ထိခိုက်သေဆုံးမှုရှိကြောင်း သိရသည်။
အဆိုပါ တိုက်ခိုက်မှုကို ပြည်သူ့ဒီမိုကရက်တစ်တပ်တော် – PDA တပ်ဖွဲ့မှ တိုက်ခိုက်ခဲ့ခြင်းဖြစ်ပြီး စစ် တပ်ဘက်က လက်နက်ကြီးဖြင့် ပြန်လည်ပစ်ခတ်မှုကြောင့် တော်လှန်ရေးတပ်ဖွဲ့ဝင်တစ်ဦးက ဦးခေါင်းကို လက်နက်ကြီးစထိမှန်ဒဏ်ရာ (မစိုးရိမ်ရ) ရရှိခဲ့ကြောင်း သိရသည်။
အကြမ်းဖက်စစ်တပ် စစ်ကြောင်းကြောင့် ညောင်ဦးမြို့နယ်အတွင်းရှိ ကျေးရွာ ၁၀ ရွာမှ ပြည်သူများ စစ်ဘေးရှောင်နေကြရကြောင်း၊ ထို့ကြောင့် အရေးပေါ် စားနပ်ရိက္ခာ၊ ဆေးဝါးများလိုအပ်လျက်ရှိ ကြောင်း သိရသည်။
ညောင်ဦးမြို့နယ်အတွင်း၌ စစ်တပ်က မကြာခဏ စစ်ကြောင်းထိုးလှုပ်ရှားလျက်ရှိပြီး မကြာခဏ ထိတွေ့တိုက်ပွဲများဖြစ်ပွားလျက်ရှိပြီး စစ်ကောင်စီတပ်သားများ ထိခိုက်သေဆုံးမှုသိရှိရန် စုံစမ်းနေဆဲ ဖြစ် ကြောင်း သိရသည်။
Thanlwin Myanmar Media
