နွားထိုးကြီးမြို့နယ်တွင် စစ်ကူစစ်ကြောင်းကို ဖြတ်တောက်တိုက်ခိုက်မှု စစ်သား ၄ ဦးသေဆုံး
သံလွင်မြန်မာသတင်း
ဇွန်လ ၆
မန္တလေးတိုင်း၊ နွားထိုးကြီးမြို့နယ်တွင် စစ်ကူစစ်ကြောင်းကို ဖြတ်တောက်တိုက်ခိုက်ခဲ့ရာ စစ်သား ၄ ဦး သေဆုံးကြောင်း မြင်းခြံခရိုင် အမှတ် ၄ ၊ အမှတ် ၁၀ တပ်ရင်း နွားထိုးကြီး PDF တပ်ဖွဲ့က ထုတ် ပြန်သည်။
ဇွန်လ ၃ ရက်နေ့နံနက် ၁၁ နာရီခန့်က နွားထိုးကြီးမြို့နယ်၊ ဝက်လူးနယ်မြေရဲစခန်းသို့ စစ်ကူပေးရန် ထွက်လာသော စစ်တပ် စစ်ကြောင်းကို ကြားဖြတ်တိုက်ခိုက်ခဲ့ရာ စစ်သား ၄ ဦး ထက်မနည်း သေဆုံး ပြီး စစ်သားအလောင်း တစ်လောင်းနှင့် လက်နက်ခဲယမ်းအချို့ကို သိမ်းဆည်းရရှိခဲ့ကြောင်း သိရ သည်။
ထို့အပြင် ယင်းအကြမ်းဖက်စစ်တပ် စစ်ကြောင်းမှ ထွက်ပြေားလာသော စစ်မှုထမ်းတပ်သား ၈ ဦး ကိုလည်း ကယ်ထုတ်နိုင်ခဲ့ပြီး အကြမ်းဖက်စစ်တပ်တွင် တာဝန်ထမ်းဆောင်နေသာ စနိုက်ပါ တပ် သား ၁ ဦးနှင့် ရိုးရိုးသားတစ်ဦးတို့ကိုလည်း ဖမ်းဆီးထိန်းသိမ်းနိုင်ခဲ့ကြောင်း သိရသည်။
အဆိုပါ တိုက်ခိုက်မှုကို မြင်းခြံခရိုင် အမှတ် ၄ တပ်ရင်း ၊ မြင်းခြံခရိုင် အမှတ် ၁၀ တပ်ရင်းနှင့် မဟာ မိတ်ပူပေါင်းတပ်ဖွဲ့များမှ 9/A Nyar Myae Operation အဖြစ် ဝက်လူးနယ်မြေရဲစခန်းသိမ်းတိုက်ပွဲ ဆင်နွှဲခဲ့ခြင်းဖြစ်ပြီး စစ်ကူအဖြစ်လာသော စစ်ကြောင်းကိုလည်း ကြးဖြတ်တိုက်ခိုက်ခဲ့ခြင်းကြောင်း သိရသည်။
Thanlwin Myanmar Media
