သပိတ်ကျင်း၊ စဉ့်ကူး၊ မတ္တရာမြို့နယ်အတွင်း ဖမ်းဆီးရရှိသည့် မူးယစ်ဆေးဝါးများကို မီးရှို့ဖျက်ဆီး
သံလွင်မြန်မာသတင်း
ဇွန်လ ၄
မန္တလေးတိုင်း၊ သပိတ်ကျင်း၊ စဉ့်ကူးနှင့် မတ္တရာမြို့နယ်အတွင်း ဖမ်းဆီးရရှိသည့် မူးယစ်ဆေးဝါးများ ကို မီးရှို့ဖျက်ဆီးခဲ့ကြောင်း ပြည်သူ့ကာကွယ်ရေးတပ်မတော် – မန္တလေးက ထုတ်ပြန်သည်။
မေလ ၂ ရက်နေ့က စဉ်းကူးမြို့နယ်နှင့် သပိတ်ကျင်းမြို့နယ်တို့အတွင်းမှ ဖမ်းဆီးရရှိသော မူးယစ် ဆေး ဝါး (၆၇၆၂၆) ပြားကျော်ခန့်ကို မီးရှို့ဖျက်ဆီးခဲ့ကြောင်း၊ ထို့အပြင် မေလ ၃၁ ရက်နေ့က လည်း မတ္တရာမြို့နယ်အတွင်း၌ မီးရှို့ဖျက်ဆီးခဲ့သော မူးယစ်ဆေးဝါးများကို မီးရှို့ဖျက်ဆီးခဲ့ကြောင်း သိရ သည်။
ပြည်သူ့ကာကွယ်ရေးတပ်မတော် (မန္တလေး) သည် မြို့နယ် ပအဖ ၊ ပလဖ တာဝန်ခံများ ၊ ဌာနဆိုင် ရာ ရေးရာ တာဝန်ခံများနှင့် ပူးပေါင်းကာ မူးယစ်ဆေးဝါးများကို ဖမ်းဆီးအရေးယူလျက်ရှိပြီး ဖမ်းဆီး ရရှိသော မူးယစ်ဆေးဝါးများကို မီးရှို့ဖျက်ဆီးလျက်ရှိကြောင်း အသိပေးထားသည်။
ပြည်သူ့ကာကွယ်ရေးတပ်မတော် (မန္တလေး) အနေဖြင့် ထိန်းချုပ်စိုးမိုးနယ်မြေအတွင်း မူးယစ်ဆေးဝါး ရောင်းဝယ်ဖောက်ကားသူများ၊ သုံးစွဲသူများကို ထိရောက်စွာ ဖမ်းဆီးအရေးယူ သွားမည်ဖြစ်ကြောင်း ထုတ်ပြန်ထားသည်။
Thanlwin Myanmar Media
