စဉ့်ကူးမြို့နယ်နှင့် သပိတ်ကျင်းမြို့နယ်တို့တွင် တိုက်ပွဲဖြစ်ပွားခြင်းမရှိပဲ စစ်ကောင်စီတပ်က လေ ကြောင်းဖြင့် ဗုံးကြဲတိုက်ခိုက်မှု ပြည်သူ ၃ ဦးထိခိုက်ဒဏ်ရာရရှိပြီး ဘုန်းကြီးကျောင်း၊ စာသင်ကျောင်း အပါအဝင် အဆောက်အအုံ ၆ လုံးပျက်စီး
သံလွင်မြန်မာသတင်း
ဇွန်လ ၃
မန္တလေးတိုင်း၊ စဉ့်ကူးမြို့နယ်နှင့် သပိတ်ကျင်းမြို့နယ်တို့တွင် တိုက်ပွဲဖြစ်ပွားခြင်းမရှိပဲ အကြမ်းဖက် စစ်ကောင်စီတပ်က လေကြောင်းဖြင့် ဗုံးကြဲတိုက်ခိုက်ခဲ့ရာ ပြည်သူ ၃ ဦးထိခိုက်ဒဏ်ရာရရှိပြီး ဘုန်း ကြီး ကျောင်း၊ စာသင်ကျောင်းဆောင်များအပါအဝင် အဆောက်အအုံ ၆ လုံးထိခိုက်ပျက်စီးခဲ့ကြောင်း ပြင်ဦးလွင်ခရိုင် ပြည်သူ့ကာကွယ်ရေးအဖွဲ့ထံမှ သိရသည်။
ယမန်နေ့ ဇွန်လ ၃ ရက် နံနက် ၁၁ နာရီ ၅ မိနစ်က တိုက်ပွဲဖြစ်ပွားခြင်းမရှိပဲ စဉ့်ကူးမြို့ပေါ်ရှိ မြသိန်း တန်ဘုရားနှင့် ဘုန်းကြီးကျောင်းကို ဦးတည်ပစ်မှတ်ထားကာ အကြမ်းဖက်စစ်ကောင်စီ၏ တံတားဦး လေတပ်မှ တက်လာသော ဂျက်ဖိုက်တာဖြင့် ဗုံးကြဲတိုက်ခိုက်ခဲ့ရာဘုန်းကြီးကျောင်းဆောင် ၂ ဆောင် ထိခိုက်ပျက်စီးပြီး ပြည်သူထိခိုက်မှုမရှိကြောင်း သိရသည်။
“စစ်ကောင်စီရဲ့ အပစ်အခတ်ရပ်စဲတယ်ဆိုတာက ပြည်သူတွေအပေါ်ကြည့်ပါတယ်၊ ဘာဖြစ်တယ် ညာဖြစ်တယ်ဆိုပြီး နိုင်ငံတကာမှာ အသံကြားကောင်းအောင်လုပ်တာပေါ့၊ တကယ်တော့ ပြည်သူ တွေနေတဲ့နေရာကိုပဲ လေကြောင်းကနေတိုက်ခိုက်နေတာ၊ လေကြောင်းကနေတိုက်ခိုက်ပြီး ပြည်သူ တွေကို သတ်ဖြတ်နေတာပါ၊ စာသင်ကျောင်းတွေကျဲ၊ဘုးန်ကြီးကျောင်းတွေကြဲတယ်၊ ဒါတွေက ပြည် သူတွေပဲ ခိုလှုံနေတဲ့နေရာပေါ့၊ ဒါက ကလေးတွေ ၊ ပြည်သူတွေကို သတ်ဖြတ်နေတာပါပဲ၊ ဒါတွေကို ပြည်သူတွေလည်း သိသင့်ပြီလို့ထင်တယ်။ စစ်ကောင်စီထောက်ခံအားပေးနေတဲ့ ပြည်သူတွေလည်း အမှန်ရသင့်နေပြီလို့ ပြောချင်ပါတယ်” ဟု ပြင်ဦးလွင်ခရိုင် ပြည်သူ့ကာကွယ်ရေးအဖွဲ့မှ တာဝန်ရှိသူ တစ်ဦးက ပြောကားသည်။
ဇွန်လ ၁ ရက် မွန်းလွဲ ၂ နာရီ ၂၆ မိနစ်ကလည်း စဉ့်ကူးမြို့နယ် ၊ နွယ်ရုံကျေးရွာသို့ အကြမ်းဖက် စစ် ကောင်စီ၏ တံတားဦး လေတပ်မှ တက်လာသော ဂျက်ဖိုက်တာဖြင့် ဗုံးကြဲတိုက်ခိုက်ခဲ့ရာ အဆောက် အအုံ ၂ လုံး ထိခိုက်ပျက်စီးခဲ့ပြီး ပြည်သူထိခိုက်မှုမရှိကြောင်း သိရသည်။
ထိုအပြင် ဇွန်လ ၂ ရက် မွန်းလွဲ ၂ နာရီ ၃၂ မိနစ်တွင်လည်း စဉ့်ကူးမြို့နယ်၊ နတ်တောင်ကျေးရွာရှိ lucky 7ဟိုတယ်ကို အကြမ်းဖက်စစ်ကောင်စီက လေကြောင်းဖြင့် ဗုံးကြဲတိုက်ခိုက်ခဲ့ရာ ပြည်သူ အမျိုးသမီး အပြင်းအထန်ဒဏ်ရာ စိုးရိမ်ရ အပါအဝင် ၃ ဦး ထိခိုကု်ဒဏ်ရာရရှိခဲ့ကြောင်း သိရသည်။
အလားတူ ဇွန်လ ၁ ရက် နံနက် ၇ နာရီ မိနစ် ၄၀ အချိန်က သပိတ်ကျင်းမြို့နယ် ၄ မိုင် ကန်သာ စာ သင် ကျောင်းကို အကြမ်းဖက်စစ်ကောင်စီက ဂျက်ဖိုက်တာတစ်စီးဖြင့် ပေါင် ၅၀၀ ဗုံးသီး ၁ လုံးကြဲချ တိုက်ခိုက်ခဲ့ရာ စာသင်ကျောင်းဆောင် ၂ ဆောင်ထိခိုက်ပျက်စီးခဲ့ပြီး ပြည်သူထိခိုက်မှုမရှိကြောင်း သိရသည်။
မိဘပြည်သူများအနေဖြင့်လည်း အကြမ်းဖက်စစ်ကောင်စီနှင့်ဝေးသောနေရာများတွင် နေထိုင်ကြရန်၊ လေကြောင်းရန် ကာကွယ်နိုင်ရန် ဗုံးခိုကျင်းများ ခိုင်ခိုင်မာမာ တူးထားကြရန်နှင့် ပြည်သူ့ကာကွယ် ရေးအဖွဲ့အစည်းများ၏ လေကြောင်းရန် ကာကွယ်ရေးအတွက် သတိပေးထုတ်ပြန်ချက်များကို လိုက် နာပေးကြပါရန် တိုက်တွန်းထားသည်။
Thanlwin Myanmar Media
