နွားထိုးကြီးမြို့နယ်ရှိ ဂတ်စ်ပိုက်လိုင်းစောင့် စစ်သားများကို လက်နက်ကြီးများဖြင့် ပစ်ခတ်တိုက် ခိုက်၊ စစ်သား ၃ ဦး အပြင်းအထန် ဒဏ်ရာရ (ရုပ်သံ)
သံလွင်မြန်မာသတင်း
ဧပြီလ ၂၅
မန္တလေးတိုင်း၊ နွားထိုးကြီးမြို့နယ်အတွင်းရှိ ဂတ်စ်ပိုက်လိုင်းစောင့် စစ်သားများကို လက်နက်ကြီးဖြင့် ပစ်ခတ်တိုက်ခိုက်ခဲ့ရာ စစ်သား ၃ ဦးအပြင်းအထန် ဒဏ်ရာရရှိခဲ့ကြောင်း နွားထိုးကြီးမြို့နယ်ပြည်သူ့ ကာကွယ်ရေးအဖွဲ့ထံမှ သိရသည်။
ယမန်နေ့ ဧပြီလ ၂၄ ရက် ညနေ ၅ နာရီ ၃၀ မိနစ်က နွားထိုးကြီးမြို့နယ်၊ ထန်းဇင်ကျေးရွာအရှေ့ ဘက်ရှိ ဂတ်စ်ပိုက်လိုင်းစောင့်စစ်ကောင်စီတပ်သားများကို လက်လုပ် ၈၀ မမ လက်နက်ကြီးဖြင့် ၅ လုံး ၊ ပထိန်ဖြင့် ၁ လုံးပစ်ခတ်တိုက်ခိုက်ခဲ့ရာ စစ်ကောင်စီတပ်သားများနေထိုင်ရာ အဆောက်အအုံ ပေါ်သို့ ကျရောက်ပေါက်ကွဲပြီး စစ်သား ၃ ဦး အပြင်းအထန် ဒဏ်ရာရရှိခဲ့ကြောင်း သိရသည်။
အဆိုပါတိုက်ခိုက်မှုကို နွားထိုးကြီးမြို့နယ် ပြည်သူ့ကာကွယ်ရေးအဖွဲ့မှ ရဲဘော်များကို ကိုယ်တိုင် ထုတ်လက်နက်ကြီးများဖြင့် တိုက်ခိုက်ခဲ့ခြင်းဖြစ်ပြီး စစ်ကောင်စီတပ်သားသေဆုံးမှုကို အတည် ပြုနိုင်ရန် စုံစမ်းနေဆဲဖြစ်ကြောင်း သိရသည်။
Thanlwin Myanmar Media
