သံလွင်မြန်မာသတင်း
အောက်တိုဘာလ ၂၄
မကွေးတိုင်း၊ နတ်မောက်မြို့နယ်၊ ကျောက်အိုးကျေးရွာကို အကြမ်းဖက်စစ်တကာင်စီတပ်က လေ ကြောင်းဖြင့် ဗုံးကျဲတိုက်ခိုက်ခဲ့ရာ ပြည်သူ ၁ ဦး ဒဏ်ရာရရှိခဲ့ကြောင်း နတ်မောက်မြို့နယ် ပကဖ ထံမှ သိရသည်။
ယမန်နေ့ အောက်တိုဘာလ ၂၃ ရက်နေ့ ၁ နာရီ ဝန်းကျင်ခန့်က နတ်မောက်မြို့နယ်၊ အရှေ့ခြမ်း ကံသာ တောင်ဘက် ကျောက်အိုးကျေးရွာ ကို အကြမ်းဖက်စစ်ကောင်စီ၏ မိတ္ထီလာရှမ်းတဲလေတပ်မှ တက် လာသည့် စက် တပ်လေထီးပါရာ မိုတာဖြင့် ဗုံးသီး ၄ လုံးကျဲချတိုက်ခိုက်ခဲ့ရာ ပြည်သူ ၁ ဦး မစိုးရိမ်ရ ဒဏ်ရာရရှိခဲ့ ကြောင်း သိရသည်။
“ဗုံးကျဲသွားတာက ကျောက်အိုးကျေးရွာပါ။ မိတ္ထီလာ ရှမ်းတဲလေတပ်ကနေ တက်လာပြီး ဗုံးသီး ၄ လုံးကျဲချတိုက်ခိုက်ခဲ့ပါတယ်။ ပြည်သူတစ်ယောက် မစိုးရိမ်ရ ထိခိုက်ဒဏ်ရာရရှိခဲ့ပါတယ်” ဟု နတ် မောက်မြို့နယ်ပကဖ မှ တာဝန်ရှိသူက ပြောကြားသည်။
အကြမ်းဖက်စစ်ကောင်စီတပ်က ပြည်သူလူထုကို ပစ်မှတ်ထားကာ လေကြောင်းဖြင့် ဗုံးကျဲ တိုက်ခိုက်လျက်ရှိသော မိဘပြည်သူများအနေဖြင့် လေကြောင်းရန် ကာကွယ်ရေးဆိုင်ရာ နည်းလမ်းများကို လိုက်နာပေးကြပါရန်နှင့် ဗုံးခိုကျင်းများ ခိုင်ခိုင်မာမာ တူးထားကြပါရန် တော်လှန် ရေးအဖွဲ့အစည်းများက တိုက်တွန်းထားသည်။
Thanlwin Myanmar Media
