သံလွင်မြန်မာသတင်း
အောက်တိုဘာလ ၁၆
မကွေးတိုင်း၊ ပခုက္ကူမြို့နယ်တွင် ရိက္ခာယူပြီး ပြန်လာသော အကြမ်းဖက်စစ်တပ်စစ်ကြောင်းကို ကြား ဖြတ်တိုက်ခိုက်ခဲ့ရာ စစ်သား ၆ ဦး သေဆုံးပြီး လက်နက် ၂ လက်သိမ်းဆည်းရရှိခဲ့ကြောင်း Southern Yesagyo PDF တပ်ဖွဲ့ထံမှ သိရသည်။
ယမန်နေ့ အောက်တိုဘာလ ၁၅ ရက် မွန်းလွဲ ၁ နာရီ ၂၃ မိနစ်က ပခုက္ကူမြို့နယ်၊ မြောက်လူးကန်ရွာ စစ်တပ် အထိုင်စခန်းမှ စစ်သား ၂၀ ခန့်သည် ပခုက္ကူလေယာဉ်ကွင်းမှ ရိက္ခာယူပြန်လာစဉ် ပြည်သူ့ ကာကွယ်ရေးတပ်ဖွဲ့ဝင်များက ကြားဖြတ်တိုက်ခိုက်ခဲ့ရာ အပြန်အလှန် ပစ်ခတ်တိုက်ပွဲ ၁၅ မိနစ် ခန့် ကြာမြင့်ခဲ့ကြောင်းဒ ယင်းတိုက်ပွဲအတွင်း အကြမ်းဖက်စစ်သား ၆ ဦးသေဆုံးပြီး MA1 အမျိုး အစား သေနတ် ၁ လက်၊ MA ကျည်ဘောက် ၃ ဘောက်၊ ကျည်အတောင့် ၅၀ ၊ BA94 အမျိုးအစား သေနတ် ၁ လက်၊ ကျည်ဘောက်၂ ဘောက် ၊ ကျည် ၄၅ တို့ သိမ်းဆည်းရရှိခဲ့ကြောင်း သိရသည်။
ယင်းတိုက်ပွဲအတွင်း လေယာဉ်ကွင်း အတွင်းမှ စစ်သားများက ပွိုင့်ဖိုက်၊ လက်နက်ကြီး၊ လက်နက် ငယ်များဖြင့် ပစ်ကူပေးခဲ့သည့်အပြင်မြောက်လူးကန်ကျေးရွာမှ စစ်သားများကလည်း လက်နက်ကြီး၊ လက်နက်ငယ်များဖြင့် ပစ်ကူပေးတိုက်ခိုက်ခဲ့ကြောင်း သိရသည်။
“မြောက်လူးကန်နဲ့ လေယာဉ်ကွင်းနဲ့ အရှေ့ဘက် အနောက်ဘက်၊ ကြားထဲမှာ မီတာ ၆၀၀ လောက်ပဲ ဝေးတာ၊ ရိက္ခာယူပြီး ပြန်လာတဲ့အချိန် တိုက်ခဲ့တာ။ ကျန်တဲ့စခတွေက လေယာဉ်ကွင်းထဲကို ပြန်ဝင် ပြေးသွားတာ၊ လေယာဉ်ကွင်းကနေ မီတာ ၃၀၀ ၊ မြောက်လူးကန်က မီတာ ၃၀၀ ဒီကြားထဲမှာ အ လုပ် လုပ်ခဲ့ရတာ၊ ကိုနဲ့ပစ်တဲ့ စခတွေက သေတဲ့ကောင်သေတယ်၊ ပြေးတဲ့ကောင်ပြေးတယ်။ လေ ယာဉ်ကွင်းကလှော်လိုက်၊ မြောက်လူးကန်က ထုလိုက်နဲ့။ လေယာဉ်ကွင်းကဆိုရင် ပွိင့်ဖိုက်တွေနဲ့ပါ ထုတာ၊ ကျန်တဲ့ အလောင်းတွေနဲ့ အလက်တွေကမြင်သာမြင်နေရတာ၊ တက်ကောက်လို့မရခဲ့ဘူး။” ဟု Southern Yesagyo PDF တပ်ဖွဲ့တာဝန်ခံ ကိုအောင်မောင်းက ပြောကြားသည်။
အဆိုပါ တိုက်ခိုက်မှုကို Southern Yesagyo တပ်ပေါင်းစုမှ လုပ်ဆောင်ခဲ့ခြင်းဖြစ်ပြီး ပြည်သူ့ကာ ကွယ်ရေး ရဲဘော်တစ်ဦး လက်ပြင် ကျည်ဖောက်ဝင် ဒဏ်ရာ (အသက်မစိုးရိမ်ရ) ရရှိခဲ့ကြောင်း သိရသည်။
Thanlwin Myanmar Media
