သံလွင်မြန်မာသတင်း
အောက်တိုဘာလ ၁၄
မကွေးတိုင်း၊ ပွင့်ဖြူမြို့နယ်၊ ဆည်တော်စစ်ဆေးရေးဂိတ်တိုက်ပွဲအတွင်းမှ သေဆုံးစစ်သား အလောင်း ၂ လောင်းကို မုန်းချောင်းထဲ၌ ထပ်မံတွေ့ရှိခဲ့ကြောင်း မင်းဘူးခရိုင် အမှတ် ၇ တပ်ရင်းထံမှ သိရ သည်။
အောက်တိုဘာလ ၁၁ ရက်နေ့နှင့် ၁၂ ရက်တို့တွင် ပွင့်ဖြူမြို့နယ်၊ မုန်းချောင်းအတွင်း တော်လှန်ရေး တပ်ဖွဲ့များက နယ်မြေရှင်းလင်းစဉ် ရေထဲမျောနေသော သေဆုံး စစ်သားအလောင်း ၂ ကို တွေ့ ရှိခဲ့ ခြင်းဖြစ်ကြောင်း၊ ယင်းစစ်သားများသည် ပွင့်ဖြူမြို့နယ် ပုသိမ်-မုံရွာလမ်းပိုင်း မဲဇလီ-ဆည်တော် တံတား မဲဇလီ စခန်း၏ ကာကင်းဂိတ်စခန်းဖြစ်သော ဆည်တော်ဂိတ်မှ စစ်သားများ ဖြစ်ကြောင်း သိရသည်။
အောက်တိုဘာလ ၄ ရက် ညနေ ၅ နာရီခန့်က ပွင့်ဖြူမြို့နယ် ပုသိမ်-မုံရွာ လမ်းပိုင်း မဲဇလီ-ဆည် တော် ကြိုးတံတားရှိ အကြမ်းဖက်စစ်တပ် စစ်ဆေးရေးဂိတ်ကို ပြည်သူ့ကာကွယ်ရေး ပူးပေါင်း တပ်ဖွဲ့ မှ ဝင်ရောက်တိုက်ခိုက်ခဲ့ရာ အပြန်အလှန် ပစ်ခတ်တိုက်ပွဲ ၁ နာရီ ၃၀ မိနစ်ခန့်ကြာမြင့်ခဲ့ပြီး ဂိတ် စခန်းကို သိမ်းပိုက်နိုင်ခဲ့ကြောင်း၊ ယင်းစခန်းသိမ်းတိုက်ပွဲအတွင်း စစ်သား အလောင်း ၄ လောင်း၊ လက်နက် ၆ လက်နှင့်ခဲယမ်းစစ်အသုံးအဆောင်ပစ္စည်းများ သိမ်းဆည်းရရှိခဲ့ကြောင်း သိရသည်။
“မုန်းချောင်းထဲကနေ စခအလောင်း ၂ လောင်း ထပ်တွေ့တယ်။ စုစုပေါင်းသေဆုံးအလောင်းက ၄+၂ ဖြစ်သွားတာပေါ့။ ချောင်းထဲမျောနေတာကို တွေ့ခဲ့တာ။” ဟု မင်းဘူးခရိုင်အမှတ် ၇ တပ်ရင်းမှ တာဝန်ရှိသူတစ်ဦးက ပြောကြားသည်။
ဆည်တော်ဂိတ်စခန်း၌ အကြမ်းဖက်စစ်ကောင်စီတပ်သား ၁၀ ဦးခန့်သာရှိပြီး တော်လှန်ရေးတပ်ဖွဲ့ များက ဝင်ရောက်တိုက်ခိုက်ချိန်တွင် ဘန်ကာအတွင်းမှ ခုခံပစ်ခတ်နေသဖြင့် ၁ နာရီခွဲခန့်ကြာသည် အထိ တိုက်ခိုက်ခဲ့ရကြောင်း၊ ထိုသို့ ၁ နာရီခွဲခန့်ကြာမြင့်ခဲ့သော်လည်း မည်သည့်အကြမ်းဖက်စစ်သား မျှ စစ်ကူလာရောက်ခဲ့ခြင်းမရှိကြောင်း သိရသည်။
အဆိုပါတိုက်ခိုက်မှုကို မင်းဘူးခရိုင်အမှတ် ၇ တပ်ရင်း၊ မင်းဘူးခရိုင် ပကဖ နှင့် ပွင့်ဖြူမြို့နယ် ပကဖ တို့ ပူးပေါင်းတိုက်ခိုက်ခဲ့ခြင်းဖြစ်ပြီး မင်းဘူးခရိုင်အမှတ် ၄ တပ်ရင်းမှ လက်နက်ကြီးပစ်ကူပေးခဲ့ ကြောင်း သိရသည်။
မိဘပြည်သူများအနေဖြင့် သက်ဆိုင်ရာအဖွဲ့အစည်းများက ထုတ်ပြန်ထားသည့် လမ်းပိုင်းဆိုင်ရာ စည်းမျဉ်း၊ စည်းကမ်းများကို လိုက်နာပေးကြပါရန်နှင့် စစ်တပ်စစ်ကြောင်းနှင့်တွေ့ပါက ဝေးဝေးမှ ရှောင်ရှားသွားလာနေထိုင်ပေးကြပါရန် မင်းဘူးခရိုင်အမှတ် ၇ တပ်ရင်းက မေတ္တာရပ်ခံထားသည်။
Thanlwin Myanmar Media
