သံလွင်မြန်မာသတင်း
ဩဂုတ်လ ၃၁
မကွေးတိုင်း၊ ပေါက်မြို့နယ်၊ ကပစ ၂၄ မှ ထွက်လာသော အကြမ်းဖက်စစ်ကြောင်းက ရေနံမှော်နှင့် ကျေးရွာများကို ဝင်ရောက်ပြီး မီးရှို့နေကြောင်း Successful Force – Pauk ထံမှ သိရသည်။
ယနေ့ ဩဂုတ်လ ၃၁ ရက် နံနက် ၁၁ နာရီခန့်က ပေါက်မြို့နယ်၊ ကပစ ၂၄ မှ ဇီးပြားပျူရွာသို့ ရိက္ခာ ပို့ရန် ထွက်လာသော ရိက္ခာ တင်ကား ၃ စီးပါ အကြမ်းဖက်စစ်တပ် စစ်ကြောင်းသည် ထန်းပင်ချောင် မှ တဆင့် မြောက်ဘက်သို့ ထွက်ခွာလာရာ ရေဖြူရွာသို့ ရှေ့ပြေးစစ်ကြောင်း ရောက်ရှိနေကြောင်း သိသည်။
ထို့အပြင် ထန်းပင်ချောင်ရွာ၌ ကျန်ရှိနေသော စစ်သားများကိုလည်း ကျေးရွာမြောက်ဘက်ရှိ ရေနံ မှော်သစ်ကို ဝင်ရောက်ကာ ရေနံတွင်းများမှ ရေနံများကို ခပ်ယူခြင်း၊ ရေနံလုပ်သားနေများ နေထိုင်ရာ တဲများကို မီးရှို့ခြင်းတို့လုပ်ဆောင်နေကြောင်း ၊ မကြီးကုန်းကျေးရွာသို့ ဖြန့်ခွဲနေရာယူထား သော အကြမ်းဖက်စစ်သားများကလည်း ပြည်သူပိုင်နေအိမ် ၁ လုံးကို မီးရှို့ထားကြောင်း သိရသည်။
“တစ်နေရာနဲ့တနေရာက နီးတယ်၊ အင်အားကများတော့ တပ်ဖြန့်ထားတာ။ မီးရှို့ခံရတဲ့အရေအတွက် နဲ့ ဘယ်လောက်ဆုံးရှုံးထားလဲတော့ မသိရသေးဘူး။ စစ်ကြောင်းက အခုထိရှိနေသေးတယ်။ အသေး စိတ်အချက်အလက် သိရအောင်တော့ စုံစမ်းနေတုန်းပါ” ဟု Successful Force – Pauk မှ တာဝန်ရှိ သူတစ်ဦးက ပြောကြားသည်။
အကြမ်းဖက်စစ်တပ်စစ်ကြောင်းကြောင့် ဒေသနေပြည်သူအရေအတွက် ထောင်ချီစစ်ဘေးရှောင်နေရ ပြီး အရေးပေါ် စားနပ်ရိက္ခာများလိုအပ်လျက်ရှိကြောင်း သိရသည်။
Thanlwin Myanmar Media
