ဆောမြို့နယ်၊ ညောင်ကန်ကျေးရွာကို စစ်တပ်က လေကြောင်းဖြင့် ဗုံးကျဲတိုက်ခိုက်မှု ပြည်သူ ၃ ဦး သေဆုံးပြီး ၆ ဦးထိခိုက်ဒဏ်ရာရ
သံလွင်မြန်မာသတင်း
ဇွန်လ ၇
မကွေးတိုင်း၊ ဆောမြို့နယ်၊ ညောင်ကန်ကျေးရွာကို အကြမ်းဖက်စစ်ကောင်စီတပ်က လေကြောင်း ဖြင့် ဗုံးကျဲတိုက်ခိုက်ခဲ့ရာ ပြည်သူ ၃ ဦးသေဆုံးပြီး ၆ ဦးခန့် ထိခိုက်ဒဏ်ရာရရှိခဲ့ကြောင်း ယောအလင်း တန်းထံမှ သိရသည်။
ယမန်နေ့ ဇွန် ၅ ရက် မွန်းလွဲ ၁ နာရီ ၅၈ မိနစ်တွင် ဆောမြို့နယ်၊ ညောင်ကန်ကျေးရွာကို အကြမ်း ဖက်စစ်ကောင်စီ၏ မိတ္ထီလာရှမ်းတဲလေး လေတပ်မှ တက်လာသော Mig-29 Jet Fighter တစ်စီးဖြင့် ဗုံးကျဲတိုက်ခိုက်ခဲ့ရာ အသက် ၄၀ ဝန်းကျင်အရွယ်အမျိုးသား ၂ ဦးနှင့်အသက် ၃၀ ဝန်းကျင်အရွယ် အမျိုးသား ၁ ဦးတို့နေရာမှာပင်ပွဲချင်းပြီးသေဆုံးပြီး အမျိုးသား ၅ ဦး၊ အမျိုးသမီး ၁ ဦး ထိခိုက်ဒဏ် ရာရရှိကာ နေအိမ်တစ်လုံးပျက်စီးခဲ့ကြောင်း သိရသည်။
“ဘာတိုက်ပွဲမှ မရှိပဲ ပြည်သူကို ပစ်မှတ်ထားပြီး ဗုံးကျဲသွားတာပါ။ သေဆုံးသူတွေက အသက် ၄၀ ဝန်းကျင် အရွယ် အမျိုးသား ၂ ဦး၊ အသက် ၃၀ ဝန်းကျင်အရွယ် အ မျိုး သားတစ်ဦးပါ၊ ဒဏ်ရာရ သူတွေက အမျိုးသား ၆ ဦးနဲ့ အမျိုးသမီး ၁ ဦးပါ၊ နေအိမ် ၁ လုံး ပျက် စီးပါတယ်။ အနီးအနားက အိမ်တွေလည်း အနည်းအကျဉ်း ဗုံးစထိမှန်ပျက်စီးတာတော့ ရှိပါတယ်” ဟု ယောအလင်းတန်းမှ ကိုအောင်ကြီးက ပြောကြားသည်။
ပြီးခဲ့သည့် မေလအတွင်း ယောဒေသကို အကြမ်းဖက်စစ်ကောင်စီတပ်က လေကြောင်းတိုက်ခိုက်မှု အကြိမ်ရေ ၂၆ ကြိမ်ထက် လုပ်ဆောင်ခဲ့ပြီး ပြည်သူ ၅ ဦး ထက်မနည်း သေဆုံကာ စာသင်ကျောင်း ၁ ကျောင်း ၊ ပြည်သူ့နေအိမ် ၅ လုံး ထက်မနည်း ပျက်စီးခဲ့ကြောင်း သိရသည်။
အကြမ်းဖက်စစ်ကောင်စီတပ်က တိုက်ပွဲဖြစ်ပွားခြင်းမရှိပဲ ပြည်သူလူထုကို ပစ်မှတ်ထားကာ နေ့စဉ် နှင့် အမျှ ဗုံးကျဲတိုက်ခိုက်နေသောကြောင့် မိဘပြည်သူများအနေဖြင့် လေကြောင်းရန် ကာကွယ်နိုင်ငံ ဗုံး ခိုကျင်းများ တူးထားကြရန်နှင့် လေကြောင်းရန်ကာကွယ်ဆိုင်ရာ နည်းလမ်းများကို လိုက်နာပေး ကြပါရန် တော်လှန်ရေးအဖွဲ့အစည်းများက တိုက်တွန်းထားသည်။
Thanlwin Myanmar Media
