မြိုင်မြို့နယ်သို့ ဝင်ရောက်လာသော စစ်တပ်စစ်ကြောင်းကို လိုက်လံတိုက်ခိုက်မှု စစ်သား ၈ ဦး သေဆုံးပြီး လက်နက် ၁ လက်နှင့် ကျည်ဆံများသိမ်းဆည်းရရှိ
သံလွင်မြန်မာသတင်း
မေလ ၂၆
မကွေးတိုင်း၊ မြိုင်မြို့နယ်သို့ ဝင်ရောက်လာသော အကြမ်းဖက်စစ်တပ် စစ်ကြောင်းကို လိုက်လံတိုက် ခိုက်ခဲ့ရာ စစ်သား ၈ ဦးထက်မနည်းသေဆုံးပြီး လက်နက် ၁ လက်နှင့်ကျည်ဆံများ သိမ်းဆည်းရရှိခဲ့ ကြောင်း Pakokku North PDF ထံမှ သိရသည်။
မေလ ၁ ရက်နေ့တွင် ပခုက္ကူမြို့နယ်၊ ဖလံအိုရွာမှ မြိုင်မြို့နယ်ဘက်သို့ ထွက်လာသော ပခုက္ကူမြို့အ ခြေစိုက် တပ်မ ၁၀၁ ၊ ခလရ ၂၅၄ တပ်ရင်းမှ စစ်ကောင်စီတပ်စစ်ကြောင်းကို ပြည်သူ့ကာကွယ်ရေး အဖွဲ့များ ပူးပေါင်းပြီး မြိုင်မြို့နယ်တလျှောက်လိုက်လံချေမှုန်းတိုက်ခိုက်ခဲ့ကြောင်း သိရသည်။
ထိုသို့ တိုက်ခိုက်မှုကြောင့် စစ်သားများ အထိနာကာ ဂျက်ဖိုက်တာ၊ ပါရာမိုတာ၊ Y12 လေယာဉ်များ ဖြင့် ကြိမ်ဖန်များစွာ ပစ်ကူပေးတိုက်ခိုက်ခဲ့ပြီး မေလ ၇ ရက်နေ့တွင် ပခုက္ကူမြို့ တပ်မ ၁၀၁ အတွင်း သို့ ပြန်ဆုတ်သွားကောင်း သိရသည်။
စစ်တပ်စစ်ကြောင်းပြန်လည်ဆုတ်ခွာသွားပြီးနောက် တိုက်ပွဲဖြစ်ပွားရာနေရာများကို နယ်မြေရှင်း လင်းရေး လုပ်ဆောင်ခဲ့ရာ စစ်သားအလောင်း ၈ လောင်း၊ MA1 အမျိုးအစားသေနတ် ၁ လက် ၊ ကျည် ဆံအတောင့် ၅၀၀ နှင့် စစ်အသုံးအဆောင် ပစ္စည်းအချို့ သိမ်းဆည်းရရှိခဲ့ကြောင်း သိရသည်။
အဆိုပါ တိုက်ခိုက်ခိုက်မှုကို ပခုက္ကူမြို့နယ် ပကဖ တပ်ရင်း ၁ ၊ ပေါက်မြိုင်ကမ္မ ပကဖစုဖွဲ့မှုတပ်၊ မြိုင် ပကဖ၊ ပေါက်ပကဖ ၊ ကမ္မတပ်ပေါင်းစု၊ ၊ ပခုက္ကူခရိုင် အမှတ် (၂/၆/၇/၁၄/၁၅/၁၇) ၊ ကျောင်းသား တပ်မတော် (ABSDF) ၊ 8+တပ်ပေါင်းစု၊အညာမြေတပ်ပေါင်းစု၊ PLCတပ်ပေါင်းစု၊ ဂဠုန်ပြည်သူ့ကာ ကွယ်ရေးတပ်ဖွဲ့ ၊ PPDF ၊ Bo Brother တပ်ပေါင်းစု ၊ ဝံပုလွေပြောက်ကျားတပ်ဖွဲ့ ၊ Earthquake တပ်ဖွဲ့ နှင့် ဒေသဆိုင်ရာ တပ်ဖွဲ့များ ပူးပေါင်းကာ လုပ်ဆောင်ခဲ့ခြင်းဖြစ်ကြောင်း သိရသည် ။
Thanlwin Myanmar Media
