စလင်းမြို့နယ်တွင် အင်အား ၁၃၀ ကျော်ဖြင့် ဝင်ရောက်လာသော စစ်ကြောင်းကို တိုက်ခိုက်ပြီး နယ်မြေရှင်းလင်းစဉ် စစ်သားအလောင်း ၃ လောင်းတွေ့ရှိ
သံလွင်မြန်မာသတင်း
မေလ ၁၀
မကွေးတိုင်း ၊ စလင်းမြို့နယ်တွင် အင်အား ၁၃၀ ကျော်ဖြင့် ဝင်ရောက်လာသော စစ်တပ်စစ်ကြောင်း ကို တိုက်ခိုက်ပြီး နယ်မြေရှင်းလင်းစဉ် စစ်သားအလောင်း ၃ လောင်းတွေ့ရှိခဲ့ကြောင်း စလင်းမြိုနယ် ပြည်သူ့ကာကွယ်ရေးအဖွဲ့ – ပကဖ ထံမှ သိရသည်။
မေလ ၄ ရက် နံနက်ပိုင်းက မင်းဘူးခရိုင်၊ ဆင်ဖြူကျွန်းမြို့နယ်နှင့် စလင်းမြို့နယ်အတွင်း အင်အား ၁၃ဝ ဝန်းကျင်ဖြင့် တစ်လကျော်ကြာခြေလျင်လှည့်လည်စစ်ကြောင်းထိုးနေသော အကြမ်းဖက်စစ် ကောင်စီစစ်ကြောင်းကို တညောင်တိုက်နယ်၊ ဆင်ဖြူကျွန်း-တညောင်လမ်းပိုင်းမအရောက် ပြည်သူ့ ကာကွယ်ရေး ပူးပေါင်းတပ်ဖွဲ့မှ တိုက်ခိုက်ခဲ့ရာ အပြန်အလှန် ပစ်ခတ်တိုက်ပွဲ ၁ နာရီကျော်ကြာတိုက် ပွဲဖြစ်ခဲ့ကြောင်း သိရသည်။
ယင်းတိုက်ပွဲအတွင်း စစ်ကောင်စီတပ်မှ ထိခိုက်သေဆုံးမှုများပြီး Y-12 လေယာဉ်ဖြင့် ၉ ကြိမ်တိတိ ဗုံးသီး ၄၈ လုံးဖြင့် ပစ်ခတ်တိုက်ခိုက်ခဲ့ပြီး ယင်းစစ်ကြောင်းမှာ ဆင်ဖြူကျွန်းတိုက်နယ်၊ နွယ်တမယ် ကျေးရွာဘက်သို့ ဆုတ်ခွာသွားကြောင်း သိရသည်။
အဆိုပါ တိုက်ခိုက်မှုကို ပြည်သူ့ကာကွယ်ရေးအဖွဲ့(စလင်း) ၊ မင်းဘူးခရိုင်အမှတ် ၁ တပ်ရင်း၊ မကွေး တိုင်းဒရုန်းလက်ရုံး၊ မကွေးတိုင်း ပကဖ လက်ရုံးတပ် နှင့် CGF တပ်ဖွဲ့တို့ ပူးပေါင်းကာ တိုက်ခိုက်ခဲ့ ခြင်းဖြစ်ပြီး နယ်မြေရှင်းလင်းချိန်တွင် စစ်ကောင်စီတပ်သား ရုပ်အလောင်း ၃ လောင်း တူးဖော်တွေ့ ရှိခဲ့ကြောင်း သိရသည်။
ထို့နောက် ဆင်ဖြူကျွန်းတိုက်နယ်၊ နွယ်တမယ်ကျေးရွာသို့ ရောက်ရှိသွားသော အကြမ်းဖက်စစ်တပ် စစ်ကြောင်းသည် ဆင်ဖြူကျွန်း-စလင်း လမ်းပိုင်းမှ မိုးဝန်း၊သရက်ချဉ်ကျေးရွာသို့ မေလ ၇ ရက် နံနက် ၇ နာရီ ၃၀ မိနစ် ဝန်းကျင်တွင် ဆက်လက်စစ်ကြောင်းထိုးချီတက်လာရာ ပြည်သူ့ကာကွယ်ရေး တပ် ဖွဲ့ဝင်များမှ လက်နက်ကြီးဖြင့် ပစ်ခတ်တိုက်ခိုက်ခဲ့ကြောင်း၊ ယင်းစစ်ကြောင်းမှာ ရွာသာကုန်း၊ မကျီး ကုန်း မြစ်နားကျေးရွာများဘက်သို့ ထပ်မံစစ်ကြောင်းထိုးခဲ့ကြောင်း သိရသည်။
မေလ ၉ ရက် ည ၁၀ နာရီ ၂၅ မိနစ်တွင် ယင်းအကြမ်းဖက်စစ်တပ် ရှေ့ကင်းပွိုင့်နှင့် စလင်းမြို့နယ် ပကဖ ရဲဘော်များ အပြန်အလှန် ပစ်ခတ်တိုက်ပွဲ မိနစ် ၂၀ ခန့်ဖြစ်ခဲ့ရာ စစ်ကောင်စီတပ်က လက်နက် ကြီးဖြင့် ရမ်းသမ်းပစ်ခတ်မှုကြောင့် ပြည်သူ ၁ ဦး မစိုးရိမ်ရ ဒဏ်ရာရရှိခဲ့ကြောင်း စလင်းမြို့နယ် ပြည် သူ့ကာကွယ်ရေးအဖွဲ့-ပကဖ က ထုတ်ပြန်ထားသည်။
Thanlwin Myanmar Media
