စလင်းမြို့နယ်တွင် စစ်တပ်စစ်ကြောင်းကို တိုက်ခိုက်မှု စစ်သား ၂၇ ဦး ထက်မနည်းသေဆုံး
သံလွင်မြန်မာသတင်း
မေလ ၆
မကွေးတိုင်း၊ စလင်းမြို့နယ်တွင် အကြမ်းဖက်စစ်တပ်စစ်ကောင်စီစစ်ကြောင်းကို ကြားဖြတ်တိုက် ခိုက်ခဲ့ရာ စစ်သား ၂၇ ဦးထက်မနည်းသေဆုံးခဲ့ကြောင်း မင်းဘူးခရိုင် အမှတ် ၁ တပ်ရင်းက ထုတ်ပြန် သည်။
မေလ ၄ ရက်နေ့က စလင်းမြို့နယ်မှ ကုက္ကိုတန်းရွာကို ဦးတည်၍ အင်အား ၁၃၀ ဝန်းကျင်ဖြင့် ချီ တက်လာသည့် အကြမ်းဖက် စစ်တပ် စစ်ကြောင်းကို တော်လှန်ရေးတပ်ဖွဲ့များက ကြားဖြတ် တိုက် ခိုက်ခဲ့ရာ စစ်သား ၂၇ ဦး ထက်မနည်းသေဆုံးပြီး ၃၀ ဦးထက်မနည်းထိခိုက်ဒဏ်ရာရရှိခဲ့ကြောင်း သိရ သည်။
ယင်းတိုက်ပွဲအတွင်း အကြမ်းဖက် စစ်တပ်ဘက်မှ Y-12 လေယာဉ်ဖြင့် ဗုံးသီး ၄၅ လုံး လာရောက် ကျဲချ တိုက်ခိုက်ခဲ့ကြောင်း သိရသည်။
အဆိုပါ တိုက်ခိုက်မှုကို မင်းဘူးခရိုင် အမှတ်(၁) တပ်ရင်း၊ စလင်းမြို့နယ် ပကဖ ၊ CGF ၊ ဧရာဘီလူး အဖွဲ့နှင့် မကွေးတိုင်း တိုင်းလက်ရုံး ဒရုန်းအဖွဲ့တို့က ပူးပေါင်းကာ တိုက်ခိုက်ခဲ့ခြင်းဖြစ်ပြီး ပြည်သူ့ကာ ကွယ်ရေးတပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။
Thanlwin Myanmar Media
