ပခုက္ကူမြို့ထဲသို့ ပြန်လာသည့် စစ်သားများကို အနီကပ်ပစ်ခတ်တိုက်ခိုက်မှု စစ်သား ၄ ဦးသေဆုံးပြီး သေနတ် ၄ လက် သိမ်းဆည်းရရှိ
သံလွင်မြန်မာသတင်း
ဒီဇင်ဘာလ ၃၁
မကွေးတိုင်း၊ ပခုက္ကူမြို့နယ်၊ ပခုက္ကူမြို့ထဲသို့ ဝင်လာသော အကြမ်းဖက်စစ်သားများကို အနီးကပ် ပစ်ခတ်တိုက်ခိုက်ခဲ့ရာ စစ်သား ၄ ဦးသေဆုံးပြီး လက်နက် ၄ လက်သိမ်းဆည်းရရှိခဲ့ကြောင်း Young Force – UG တပ်ဖွဲ့ထံမှ သိရသည်။
ယမန်နေ့ ဒီဇင်ဘာလ ၃၀ ရက်နေ့က ပခုက္ကူမြို့၊ စက်မှုဇုန်ဂိတ်မှု ဟိုက်ဂျက် အဖြူရောင် ကားဖြင့် မြို့ထဲသို့ ပြန်လာ အကြမ်းဖက် စစ်ကောင်စီတပ်သားများကို အနီးကပ်ပစ်ခတ်တိုက်ခိုက်ခဲ့ရာ ကား ပေါ် စစ်သား ၄ ဦးစလုံးသေဆုံးသွားပြီး MA3 အမျိုးအစားသေနတ် ၄ လက်၊ ကျည်ဘောက် ၈ ခု၊ ကျည် ၁၆၈ တောင့်နှင့် ဖုန်းတစ်လုံးတို့ သိမ်းဆည်းရရှိခဲ့ကြောင်း သိရသည်။
အဆိုပါ တိုက်ခိုက်မှုကို ပခုက္ကူမြိုနယ်အခြေစိုက် ပြည်သူ့ကာကွယ်ရေးတပ်ဖွဲ Young Force UG ၊ Pakokku People Defense Force နှင့် Pakokku Ranger တို့မှ တိုက်ခိုက်ခဲ့ခြင်းဖြစ်ပြီး ပြည်သူ့ ကာကွယ်ရေးတပ်ဖွဲ့ဝင်များ အထိအခိုက်မရှိပြန်လည် ဆုတ်ခွာနိုင်ခဲ့ကြောင်း သိရသည်။
Thanlwin Myanmar Media
