မတ္တရာမြို့နယ်၊ တောင်တံငါဘုန်းကြီးကျောင်း၌ တပ်စွဲထားသည့် စစ်တပ်စခန်းကို တိုက်ခိုက် သိမ်းပိုက်မှု ဗိုလ်ကြီး ၁ ဦးအပါအဝင် ၁၂ ဦးသေဆုံး
D Day News
မေလ ၁၀
မန္တလေးတိုင်း၊ မတ္တရာမြို့နယ်၊ တောင်တံငါကျေးရွာ ဘုန်းကြီးကျောင်း၌တပ်စွဲထားသောအကြမ်း ဖက်စစ်တပ်စခန်းကို တိုက်ခိုက်သိမ်းပိုက်ခဲ့ရာ အကြမ်းဖက်စစ်ဗိုလ်ကြီးတစ်ဦးအပါဝင် ၁၂ ဦးသေဆုံး ခဲ့ကြောင်း ပြည်သူ့ကာကွယ်ရေးတပ်မတော် (မန္တလေး)က သတင်းထုတ်ပြန်သည်။
ယနေ့ မေလ ၁၀ ရက် နံနက် ၅ နာရီ ခန့်က မတ္တရာမြိုမြောက်ဘက် ၂ မိုင်အကွာရှိ တောင်တံငါကျေး ရွာ ဘုန်းကြီးကျောင်း၌ တပ်စွဲထားသော အကြမ်းဖက်စစ်ကောင်စီအထိုင်စခန်းငယ်ကို ဝင်ရောက်စီး နင်း တိုက်ခိုက်ခဲ့ရာ ၅ နာရီ ၄၅ မိနစ်အချိန်တွင် အပြီးသတ် သိမ်းပိုက်ရရှိခဲ့ကြောင်း သိရသည်။
ယင်းတိုက်ပွဲအတွင်း အကြမ်းဖက်စစ်သားများ ကစဉ့်ကလျားထွက်ပြေးသွားသူများလည်းရှိပြီး ဗိုလ် ကြီး ၁ ဦး အပါ အဝင် စစ်သား အလောင်း ၁၂ လောင်းခန့်မျက်မြင်တွေ့ရှိကာ Drone Jammer ၁ လတ် ၊ လက်နက်ခဲယမ်းအများအပြား သိမ်းဆည်းရရှိခဲ့ကြောင်း၊ သိမ်းဆည်းရမိသည့် အကြမ်းဖက် စစ်တပ် ဗိုလ်ကြီး ကိုင်ဆောင်သော ပစ္စတို သည် ကလေးကစားစရာ ပလက်စတစ်ကော်စေ့သေနတ် ဖြစ်သည်ကို တွေ့ရှိခဲ့ရသည်ဟု ဆိုသည်။
အဆိုပါ တိုက်ပွဲ၌ မိမိတို ပြည်သူ့ကာကွယ်ရေးတပ်မတော် (မန္တလေး)ဘက်မှ ရဲဘော် ၁ ဦး မြင့်မြတ် စွာ အသက်ပေးလှူခဲ့ရကြောင်း ပြည်သူ့ကာကွယ်ရေးတပ်မတော် (မန္တလေး)စစ်ဦးစီးအဖွဲ့က ထုတ်ပြန်ထားသည်။
အဆိုပါ တောင်တံငါကျေးရွာ အထိုင်စခန်းငယ်သည် မတ္တရာမြို့မှ စဉ့်ကူးမြို့ဘက်သို့ အထွက်၌ တည် ရှိပြိး ၊ မတ္တရာမမြို့နှင့် ရေနံ့သာကျေးရွာကြား၌ ပြည်သူများထံမှ အဓမ္မငွေကြေးများ ကောက်ခံနေ သော စစ်ကောင်စီစခန်းဖြစ်ကြောင်း သိရသည်။
D Day News
