မလှိုင်မြို့နယ်၊ သရက်ကောင်းပင်ရွာ၌ အထိုင်ချတပ်စွဲထားသော စစ်သားများကို ဗုံးကျဲတိုက်ခိုက်မှု စစ်သား ၁ ဦးသေဆုံး (ရုပ်သံ)
D Day News
ဧပြီလ ၂၇
မန္တလေးတိုင်း၊ မလှိုင်မြို့နယ်၊ သရက်ကောင်းပင်ရွာ၌ အထိုင်ချတပ်စွဲထားသော အကြမ်းဖက်စစ် ကောင်စီတပ်သားများကို ဒရုန်းဖြင့် ဗုံးကျဲတိုက်ခိုက်ခဲ့ရာ အကြမ်းဖက်စစ်သား ၁ ဦးသေဆုံးခဲ့ကြောင်း မြင်းခြံခရိုင် အမှတ် ၄ တပ်ရင်း -နွားထိုးကြီး PDF တပ်ဖွဲ့ထံမှ သိရသည်။
ဧပြီလ ၂၆ ရက် နံနက် ၉ နာရီခန့်က မလှိုင်မြို့နယ်၊ သရက်ကောင်းပင်ရွာ၌ အထိုင်ချတပ်စွဲထားသော အကြမ်းဖက်စစ်သား၊ ပျူစောထီး ၁၅ ဦးခန့်ကို ဒရုန်းဖြင့် ဗုံးသီး ၄ လုံးကျဲချတိုက်ခိုက်ခဲ့ပြီး အကြမ်း ဖက်စစ်သား ထိခိုက်သေဆုံးမှုသိရှိနိုင်ရန် စုံစမ်းနေဆဲဖြစ်ကြောင်း သိရသည်။
https://youtu.be/87yzoIZa53A
အလားတူ ညနေ ၆ နာရီ မိနစ် ၃၀ အချိန်တွင် သရက်ကောင်းပင်ရွာမှ ဆိုင်ကယ် ၈ စီးဖြင့် ကင်းလှည့် ရန် ထွက်လာသော အကြမ်းဖက်စစ်သားများကို ရွာသာအေးကျေးရွာအရောက် ဒရုန်းဖြင့် ဗုံးသီး တစ်လုံး ကျဲချတိုက်ခိုက်ခဲ့ရာ အကြမ်းဖက်စစ်သား ၁ ဦးသေဆုံးခဲ့ကြောင်း သိရသည်။
အဆိုပါ တိုက်ခိုက်မှုကို မြင်းခြံခရိုင်အမှတ် ၄ တပ်ရင်း နွားထိုးကြီး PDF တပ်ဖွဲ့မှ တိုက်ခိုက်ခဲ့ဖြစ်ပြီး ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။
D Day News
