သံလွင်မြန်မာသတင်း
စက်တင်ဘာလ ၃
ကေအဲန်ယူ-ကရင်အမျိုးသားအစည်းအရုံး၊ ကော်သူးလေ အုပ်ချုပ်နယ်မြေ၊ ဖားအံခရိုင်၊ တာကရယ် (ပိုင်ကျုံ)မြို့နယ်၊ နောင်တခီးအခြေခံပညာအလယ်တန်းကျောင်း၌ ကလေးသူငယ်များ ကျောင်း တက်နေစဉ် အကြမ်းဖက်စစ်ကော်မရှင်တပ်ကကာမီကာဇယ်ဒရုန်းဖြင့် ဗုံးကြဲတိုက်ခိုက်ခဲ့ရာ ကျောင်း သား ကလေးငယ် ၁ ဦးနှင့် ဆရာ၊ ဆရာမ ၂ ဦး ထိခိုက်ဒဏ်ရာရရှိပြီး စာသင်ကျောင်းရုံးခန်း ပျက်စီးခဲ့ ကြောင်း KNU ဗဟိုက ထုတ်ပြန်သည်။
ယနေ့ စက်တင်ဘာလ ၃ ရက် နံနက် ၉ နာရီ ၅၀ မိနစ်က ဖားအံခရိုင်၊ တာကရယ် (ပိုင်ကျုံ) မြို့နယ် အတွင်းရှိ ကရင်ပညာရေးနှင့်ယဉ်ကျေးမှုဌာန (KECD) မှဖွင့်လှစ်ထားသော ကော်သူးလေကျောင်း အမှတ် (၇၀၈၂) နောင်တခီးအခြေခံပညာအလယ်တန်းကျောင်းတွင် ကလေးသူငယ်များကျောင်း တက်နေစဉ် အကြမ်းဖက်စစ်ကော်မရှင်တပ်က ရည်ရွယ်ချက်ရှိရှိ ကာမီကာဇယ်ဒရုန်း အသုံးပြု၍ ပစ်မှတ်ထားဗုံးကြဲတိုက်ခိုက်ခဲ့ကြောင်း သိရသည်။
ထိုသို့ ဗုံးကြဲတိုက်ခိုက်မှုကြောင့် စာသင်ကျောင်းမှ ကျောင်းရုံးခန်း ၁ ခန်း ၊ ဆရာမ ၁ ဦး၊ ဆရာ ၁ ဦး နှင့် ကျောင်သားငယ် ၁ တစ်ဦး (မစိုးရိမ်ရ) ဒဏ်ရာရရှိခဲ့ကြောင်း သိရသည်။
Photo – စစ်ကော်မရှင်မှ ကာမီကာဇေဒရုန်းဖြင့် ဗုံးကြဲတိုက်ခိုက်မှုကြောင့် ကျောင်းရုံးခန်း ထိခိုက် ပျက်စီးမှုမှတ်တမ်းများ။
Thanlwin Myanmar Media
