သထုံမြို့နယ်၊ လယ်ဒို၊ ဆောထိမြို့တွင်စစ်တပ်က လက်နက်ကြီး၊ လက်နက်ငယ်များဖြင့် ပစ်ခတ် သတ်ဖြတ်မှုကြောင့် ပြည်သူ ၅ ဦးသေဆုံး
သံလွင်မြန်မာသတင်း
မေလ ၂၄
ကေအဲန်ယူ−သထုံမြို့နယ်၊ လယ်ဒို မြို့နယ်နှင့် ဆောထိမြို့နယ်တို့တွင် အကြမ်းဖက်စစ်တပ်က လက် နက်ကြီး၊ လက်နက်ငယ်များဖြင့် ပစ်ခတ်သတ်ဖြတ်မှုကြောင့် ပြည်သူ ၅ ဦးသေဆုံးပြီး နေအိမ်များ လည်းပျက်စီးခဲ့ကြောင်း KNU ဗဟိုက ထုတ်ပြန်သည်။
မေလ ၂၁ ရက် ည ၈ နာရီ ၁၈ မိနစ်က သထုံမြို့နယ်၊ ကဒီပုကျေးနယ်အုပ်စု၊ ပဏ္ဍိကုန်းကျေးရွာ အတွင်းသို့ အကြမ်းဖက်စစ်ကောင်စီတပ် အမတ−၃၁၄ မှ တိုက်ပွဲဖြစ်ပွားခြင်းမရှိဘဲ ၁၂၀ မမ လက် နက်ကြီး ၂ လုံး ပစ်ခတ်ခဲ့ရာ အသက် ၄၈ နှစ်အရွယ် နော်အေးနိုင်သေဆုံးပြီး အသက် ၄၈ နှစ်အရွယ် နှင့် ၁၁ နှစ်အရွယ် အမျိုးသမီး ၂ ဦးထိခိုက်ဒဏ်ရာရရှိခဲ့ကြောင်း၊ ထို့အပြင် နေအိမ် ၅ လုံးလည်းထိ ခိုက်ပျက်စီးခဲ့ကြောင်း သိရသည်။
အလားတူ မေလ ၂၁ ရက်နေ့တွင် ဆောထိမြို့နယ်၊ ထင်ကျော်ရာဘာခြံ နတ်စင်တံတားတွင် ခရီး သွားလာနေသော ဒေသနေပြည်သူများကို သံဆိမ်စခန်းမှ အကြမ်းဖက်စစ်ကောင်စီတပ်သားများက K3 သေနတ်ဖြင့် ပစ်ခတ်သတ်ဖြတ်ခဲ့ရာ ဝိုင်ကျွန်း ကျေးရွာမှ အသက် ၅၄ နှစ်အရွယ် ဦးမင်းအောင် ၊ တပင်ချောင်းကျေးရွာမှ အသက် ၆၂ နှစ်ရွယ် ဒေါ်စန်းဌေးတို့ သေဆုံးခဲ့ပြီး တပင်ချောင်း ကျေးရွာမှ အသက် ၂၁ နှစ်အရွယ် အောင်ဇေယျာထွန်းတို့ ထိခိုက်ဒဏ်ရာရရှိခဲ့ကြောင်း သိရသည်။
မေလ ၂၃ ရက်နေ့ကလည်း ကေအဲန်ယူ-လယ်ဒိုမြို့နယ်၊ မတောကုန်းကျေးရွာအတွင်းသို့ စစ်ကောင်စီ ၏ ရွေဝါတပ်ရင်း ခမရ-၃၀၇ မှ ဟောင်ဝစ်ဇာလက်နက်ကြီး ၁၅၅ မမဖြင့် လက်နက်ကြီး ၂ လုံးပစ် ခတ်ခဲ့ရာ မတောကုန်းကျေးရွာမှ ဒေါ်စန်းကြည်၏ နေအိမ်ပေါ်သို့ ကျရောက်ပေါက်ကွဲပြီး အသက် ၄၃ နှစ် အရွယ် ဒေါ်စန်းကြည် နှင့် စစ်ဘေးလာရှောင်သည့် နရွဲပင်ကျေးရွာမှ အသက် ၇၅ နှစ်အရွယ် နော်အေးရွှေတို့ ထိမှန်သေဆုံးခဲ့ကြောင်း သိရသည်။
ဓါတ်ပုံ − အာဏာသိမ်းအကြမ်းဖက် စစ်ကောင်စီတပ်၏ အကြမ်းဖက်လုပ်ရပ်များကြောင့် ထိခိုက် သေဆုံး ရမှုများ။
Thanlwin Myanmar Media
