လှိုင်းဘွဲ့မြို့နယ်၊ ထိုင်း – မြန်မာနယ်စပ်ရှိ လေးပနာဒီ (ခေါ်) တခေါ်ဘီခွီး စစ်ကောင်စီတပ်စခန်းကို အပြီးသတ် သိမ်းပိုက်ရရှိ
သံလွင်မြန်မာသတင်း
မေလ ၉
ကေအဲန်ယူ-ကရင်အမျိုးသားအစည်းအရုံး၊ ကော်သူးလေအုပ်ချုပ်နယ်မြေ၊ ဖားအံခရိုင်၊ လှိုင်းလွဲမြို့ နယ် (ပိုင်ကျုံ(တာကရယ်)မြို့နယ်) ထိုင်း – မြန်မာနယ်စပ်ရှိ လေးပနာဒီ(ခ) တခေါ်ဘီဗွီး စစ်ကောင် စီတပ်စခန်းကို အပြီးသတ် သိမ်းပိုက်ရရှိခဲ့ပြီဖြစ်ကြောင်း KNU ဗဟိုက သတင်းထုတ်ပြန်သည်။
ယနေ့ မေလ ၉ ရက် နံနက် ၉ နာရီခန့်တွင် အကြမ်းဖက်စစ်ကောင်စီ ခြေလျင်တပ်ရင်း ခလရ-၂၄၊ အခြေချ တပ်စွဲထားသော လေးပနာဒီ (ခေါ်)တခေါ်ဘီခွီး စစ်ကောင်စီတပ်စခန်းကို တော်လှန်ရေး ပူးပေါင်းတပ်ဖွဲ့များက အပြီးသတ်သိမ်းပိုက်ရရှိခဲ့ခြင်းဖြစ်ပြီး စခန်းအတွင်းသို့ ဝင်ရောက်ကာနယ်မြေ ရှင်းလင်းရေး လုပ်ဆောင်နေကြောင်း သိရသည်။
ယင်းအကြမ်းဖက်စစ်တပ်စခန်းကို မေလ ၇ ရက်နံနက်ပိုင်းက စတင်တိုက်ခိုက်ခဲ့ခြင်းဖြစ်ပြီး ယနေ့နံ နက်ပိုင်းတွင် စစ်ကောင်စီတပ်သားများ စခန်းစွန့်ခွာထွက်ပြေးသွားသဖြင့် အပြီးသတ် သိမ်းပိုက်နိုင်ခဲ့ ခြင်းဖြစ်ကြောင်း သိရသည်။
အဆိုပါ တိုက်ခိုက်သိမ်းပိုက်မှုကို KNU ဖားအံခရိုင်၊ တပ်မဟာ ၇ လက်အောက်ခံ ကရင်အမျိုးသား လွတ်မြောက်ရေးတပ်မတော် (KNLA) နှင့် ကရင်အမျိုးသား ကာကွယ်ရေးတပ်ဖွဲ့ (KNDO) တို့ ပူး ပေါင်းကာ တိုက်ခိုက်သိမ်းပိုက်ခဲ့ခြင်းဖြစ်ကြောင်း သိရသည်။
Photo – လေးပနာဒီ (ခေါ်) တခေါ်ဘီခွီး စစ်ကောင်စီတပ်စခန်းအား ရှင်းလင်းရရှိသည့်ပုံရိပ်များ။
Thanlwin Myanmar Media
