ဆောထိမြို့နယ်တွင် စစ်တပ်က လေကြောင်း၊ လက်နက်ကြီးဖြင့်တိုက်ခိုက်မှုကြောင့် ပြည်သူ ၁ ဦး ဒဏ်ရာရရှိပြီး စာသင်ကျောင်းနှင့် နေအိမ် ၂ လုံးပျက်စီး
သံလွင်မြန်မာသတင်း
မတ်လ ၁၉
ကေအဲန်ယူ−ကရင်အမျိုးသားအစည်းအရုံး၊ ကော်သူးလေအုပ်ချုပ်မှုနယ်မြေ၊ ခလယ်လွီထူခရိုင်၊ ဆော ထိမြို့နယ်တွင် စစ်တပ်က လေကြောင်း၊ လက်နက်ကြီးဖြင့် တိုက်ခိုက်မှုကြောင့် ပြည်သူ ၁ ဦး ထိခိုက် ဒဏ်ရာရရှိပြီး နေအိမ် ၂ လုံးနှင့် စာသင်ကျောင်း ၁ ကျောင်း ထိခိုက် ပျက်စီးခဲ့ကြောင်း KNU ဗဟိုထံ က သိရသည်။
မတ်လ ၁၅ ရက် မွန်းလွဲ ၁ နာရီ ၅၀ မိနစ်က ဆောထိမြို့နယ်၊ သက်တူးကုန်းကျေးရွာအတွင်းသို့ အကြမ်းဖက် စစ်ကောင်စီ၏ နေပြည်တော်လေတပ်မှ တက်လာသော ဂျက်ဖိုက်တာဖြင့် ပေါင် ၃၀၀ ဗုံးသီး ၂ လုံးကျဲတိုက်ခိုက်ခဲ့ရာ သက်တူးကုန်းကျေးရွာနေ အသက် ၅၀ အရွယ် အမျိုးသား ၁ ဦး ဒဏ် ရာရရှိခဲ့ပြီး နေအိမ် ၁ လုံးနှင့် ကျေးရွာစာသင်ကျောင်းပျက်စီးခဲ့ကြောင်း သိရသည်။
အလားတူ မတ်လ ၁၄ ရက် မွန်းလွဲ ၁ နာရီ ၅၄ မိနစ်ကလည်း ဆောထိမြို့နယ်၊ ကညင်ကျွန်း ကျေး ရွာထဲသို့ အကြမ်းဖက်စစ်ကောင်စီတပ် ခလရ-၂၆၄ တပ်ရင်းမှ ၁၂၀ မမ လက်နက်ကြီးဖြင့် ၃ လုံး ပစ် ခတ်ခဲ့ရာ နေအိမ် ၁ လုံး ထိမှန်ပျက်စီးခဲ့ကြောင်း သိရသည်။
အကြမ်းဖက် စစ်ကောင်စီတပ်သည် ပြည်သူလူထုများအား ပစ်မှတ်ထား၍ အကြမ်းဖက် လုပ်ရပ်များ လုပ်ဆောင်နေသောကြောင့် ခလယ်လွီထူခရိုင်အတွင်းနေထိုင်ကြသော အပြစ်မဲ့အရပ်သား ပြည်သူ များမှာ အသက်ရှင်သန်ရေးအတွက် စိုးရိမ်ကြောက်ရွံ့ မှုများစွာဖြင့် ရုန်ကန်နေကြရကြောင်း KNU ဗဟိုက ထုတ်ပြန်ထားသည်။
Photo − အာဏာသိမ်းအကြမ်းဖက်စစ်ကောင်စီတပ်၏ အကြမ်းဖက်လုပ်ရပ်များ ကြောင့်ထိခိုက် ပျက်စီးမှုများ။
Thanlwin Myanmar Media
