ဖာပွန်ခရိုင်အတွင်း၌ နိုဝင်ဘာလဝက် အတွင်း တိုက်ပွဲပေါင်း ၁၃ ကြိမ်ဖြစ်ပြီး တပ်ရင်းမှူး၊ ဒုတပ်ရင်း မှူးအပါအဝင် စစ်သား ၇၇ ဦးသေဆုံး
D Day News
နိုဝင်ဘာလ ၁၉
ကရင်ပြည်နယ်၊ ဖာပွန်ခရိုင်အတွင်း၌ နိုဝင်ဘာလဝက်အတွင်း အတိုက်ပွဲပေါင်း ၁၃ ကြိမ်ဖြစ်ပြီး အကြမ်းဖက်စစ်တပ်မှ တပ်ရင်းမှူး၊ ဒုတပ်ရင်းမှူးတို့အပါအဝင် ၇၇ ဦးသေဆုံးခဲ့ကြောင်း မူတြော် သတင်းစဉ်က ထုတ်ပြန်သည်။
နိုဝင်ဘာလ ၁ ရက်နေ့မှ ၁၅ ရက်နေ့အထိ ကရင်အမျိုးသားလွတ် မြောက်ရေးတပ်မတော်နှင့် အ ကြမ်းဖက်စစ်ကောင်စီတပ်အကြား တိုက်ပွဲစုစုပေါင်း ၁၃ ကြိမ် ဖြစ်ပွားခဲ့ကြောင်း၊ ယင်းတိုက်ပွဲများ အတွင်း အကြမ်းဖက်စစ်ကောင်စီတပ်ဘက်မှ တပ်ရင်းမှူး ၁ ဦး၊ ဒုတပ်ရင်းမှူး ၁ ဦးတို့အပါအဝင် စစ် သား ၇၇ ဦးသေဆုံးခဲ့ကြောင်း သိရသည်။
အလားတူ ကရင်အမျိုးသားလွတ်မြောက်ရေး တပ်မတော် – KNLA အမှတ် ၅ တပ်မဟာ နှင့်ပူးပေါင်း တပ်ဖွဲ့ဝင်များဘက်မှလည်း ၈ ဦးဒဏ်ရာရရှိခဲ့ကြောင်း၊ အမှတ် ၅ တပ်မဟာ လက်အောက်ခံ တပ်ဖွဲ့ ဝင်များနှင့် ပူးပေါင်းတပ်ဖွဲ့ဝင်များက အကြမ်းဖက်စစ်ကောင်စီတပ်၏ မော်တော်ယာဥ် တစ်စီးကို လည်း ဖျက်စီးနိုင်ခဲ့ကြောင်း သိရသည်။
D Day News
