ကျိုက်ထိုနှင့် သထုံမြို့နယ်တို့တွင် အကြမ်းဖက်စစ်တပ်က လက်နက်ကြီးဖြင့် ပစ်ခတ်မှုကြောင့် ကိုယ်ဝန်ဆောင်အမျိုးသမီးတစ်ဦး ဒဏ်ရာရပြီး သာသနာအဆောက်အအုံ ၂ လုံးနှင့် လူနေအိမ် ၁၂ လုံး ထိခိုက်ပျက်စီး
D Day News
ဇွန်လ ၆
မွန်ပြည်နယ်၊ ကျိုက်ထိုမြို့နယ်နှင့် သထုံမြို့နယ်တို့တွင် အကြမ်းဖက်စစ်တပ်က လက်နက်ကြီးဖြင့် ပစ်ခတ်မှုကြောင့် ကိုယ်ဝန်ဆောင်အမျိုးသမီးတစ်ဦးဒဏ်ရာရရှိပြီး သာသနာအဆောက်အအုံ ၂ လုံး နှင့် လူနေအိမ် ၁၂ လုံးထိခိုက်ပျက်စီးခဲ့ကြောင်း KNU ဗဟိုထံမှ သိရသည်။
ဇွန်လ ၂ ရက် နံနက် ၇ နာရီခန့်က ကျိုက်ထိုမြို့နယ်၊ သိမ်ဇရပ်မြို့၌ တပ်စွဲထားသော အာဏာသိမ်း စစ်ကောင်စီ၏ အမတ-၃၁၀ တပ်ရင်းနှင့် ခမရ-၂၀၇ တပ်ရင်း တပ်စခန်းတို့မှ လက်နက်ကြီး အလုံး ၃၀ ကျော် ပစ်ခတ်ခဲ့ရာ စစ်ကွင်းရွာအတွင်း ကျရောက်ပေါက်ကွဲခဲ့ပြီး လူနေအိမ် ၂ လုံး လုံးဝပျက်စီး ကာ ကျန်နေအိမ်တစ်လုံးလည်း လက်နက်ကြီးကျည်စထိမှန် ပျက်စီးမှုရှိခဲ့ကြောင်း သိရသည်။
အလားတူ ဇွန်လ ၃ ရက် နံနက် ၁၁ နာရီခန့်တွင် ယင်းအကြမ်းဖက်စစ်တပ်စခန်းတို့မှ ပစ်ခတ်သည့် လက်နက်ကြီး ကျည်တစ်လုံးသည် ခရွဲကျေးနယ်၊ မုက္ခမော့ကျေးရွာ မယ်တော်ကြီးကုန်းအနီး ကျ ရောက် ပေါက်ကွဲပြီး ကိုယ်ဝန် ၆ လ လွယ်ထားသော အမျိုးသမီး၏ ဘယ်ဘက်ခြေဖဝါးကို လက် နက် ကြီးကျည်စထိမှန် ဒဏ်ရာရရှိခဲ့ကြောင်း သိရသည်။
ဇွန်လ ၄ ရက်နေ့ကလည်း အကြမ်းဖက်စစ်ကောင်စီ၏ အမတ ၃၁၀ တပ်ရင်းစခန်းမှ လက်နက်ကြီး ၁၀ လုံးပစ်ခတ်မှုရှိခဲ့ပြီး ကေအဲန်ယူ-ကျိုက်ထိုမြို့နယ်၊ ခရွဲကျေးနယ်ရှိ သုံးခွရွာ၊ မုက္ခမော့ရွာနှင့် စစ် ကွင်းရွှာမှ ဒေသနေပြည်သူများမှာ ရွာလုံးကျွတ် တိမ်းရှောင်နေကြရကြောင်း သိရသည်။
ထို့အပြင် သထုံမြို့နယ်အတွင်း၌ အာဏာသိမ်းအကြမ်းဖက်စစ်ကောင်စီတပ်မှ လေကြောင်း၊ လက် နက်ကြီးပစ်ခတ်မှုကြောင့် လူနေအိမ် ၁၀ လုံးနှင့် သာသနာ့အဆောက်အဦး ၂ လုံး ထိခိုက်ပျက်စီးခဲ့ ကြောင်း KNU ဗဟိုက ထုတ်ပြန်သည်။
ဇွန်လ ၁ ရက် မွန်းတည့် ၁၂ နာရီ ၁၀ မိနစ်အချိန်က ကေအဲန်ယူ−သထုံမြို့နယ်တွင် အာဏာသိမ်း အကြမ်းဖက်စစ်ကောင်စီတပ်မှ ဂျက်(ဖိုက်တာ)လေယာဥ်ဖြင့် ဗုံးသီးအလုံးရေ ၁၂ ခန့်လုံးကြဲချ တိုက် ခိုက်သည့်အပြင် ပြည်သူလူထု ကြောက်လန့်စေရန် ရည်ရွယ်၍ လက်နက်ကြီးများဖြင့်လည်း ပစ်ခတ် တိုက်ခိုက်ခဲ့ကြောင်းခဲ့ကြောင်း သိရသည်။
ထို့နောက် ညနေ ၇ နာရီ ၁၅ မိနစ်အချိန်တွင် အာဏာသိမ်းစစ်ကောင်စီ (အမတ-၃၁၄)တပ်ရင်း တပ် စခန်းမှ လက်နက်ကြီး ၃ လုံး ပစ်ခတ်ရာ ရွှေရောင်ပြကျေးနယ်၊ ရွှေရောင်ပြရွာထိပ်တွင် ကျရောက် ပေါက်ကွဲခဲ့ပြီး နေအိမ် ၁၀ လုံး ထိမှန်ပျက်စီးခဲ့ကြောင်း သိရသည်။
ဇွန်လ ၃ ရက် ည ၈ နာရီ ၁၀ မိနစ်အချိန်တွင် စစ်ကောင်စီ၏ ခမရ-၉ တပ်ရင်း တပ်စခန်းမှ လက် နက်ကြီး ၃ လုံး ပစ်ခတ်ခဲ့ရာ ချောင်းစောက်ကျေးနယ်၊ ရေဝေရွာထဲသို့ လက်နက်ကြီး ၁ လုံး ကျ ရောက်ပေါက်ကွဲပြီး ရေဝေရွာဘုန်းကြီးကျောင်းဆောင် အဆောက်အဦး ၂ လုံး ထိခိုက် ပျက်စီးခဲ့ ကြောင်း သိရသည်။
D Day News
