ပြည်သူလူထုပိုင် ပစ္စည်းများနှင့် အိုးအိမ်ပစ္စည်းများကို ဖျက်ဆီး၊ဖောက်ထွင်းခိုးယူရောင်းချသူ၊ ဝယ် ယူများအား အရေးယူမည်ဟု ကရင်နီပြည်ကြားကာလအုပ်ချုပ်ရေးကောင်စီ ထုတ်ပြန်
D Day News
မေလ ၁၁
ကရင်နီပြည်နယ် စစ်မြေပြင်အတွင်းရှိ ပြည်သူပိုင်ပစ္စည်းများနှင့် ပြည်သူလူထု၏ အိုးအိမ်ပစ္စည်းများ ကို ဖျက်ဆီး၊ဖောက်ထွင်းခိုးယူရောင်းချသူ၊ ဝယ်ယူများအား အရေးယူမည်ဟု ကရင်နီပြည်ကြား ကာလ အုပ်ချုပ်ရေးကောင်စီ ထုတ်ပြန်ထားသည်။
ကရင်နီပြည် စစ်မြေပြင်အတွင်း ပြည်သူပိုင်ပစ္စည်းများနှင့် ပြည်သူလူထု၏ အိုးအိမ်ပစ္စည်းများကိုဖျက် ဆီးခြင်း၊ ဖေါက်ထွင်း ခိုးယူဖြုတ်ရောင်းခြင်းနှင့် ဝယ်ယူခြင်း ဖြစ်စဉ်များ ဖြစ်ပေါ်လျက်ရှိကြောင်း သိရ သည်။
ထို ကဲ့သို့သော စည်းကမ်းမဲ့သည့် လုပ်ရပ်များကို ကိုင်တွယ်ဖြေရှင်းရန် မေလ ၈ ရက် နေ့က ကရင်နီ ပြည် ကြားကာလ အုပ် ချုပ်ရေး ကောင်စီ (IEC) အပါအဝင် ကရင်နီအမျိုးသားတိုးတက်ရေးပါတီ (KNPP)၊ ကရင်နီပြည် လူမျိုးပေါင်းစုံ ပြည်သူ့လွတ်မြောက်ရေးတပ်ဦး (KNPLF)၊ ကရင်နီ အမျိုးသား ငြိမ်းချမ်းရေးနှင့် ဖွံ့ဖြိုး ရေးပါတီ (KNPDP)၊ ကရင်နီအမျိုးသားစည်းလုံးညီညွတ်ရေးအဖွဲ့ (KNSO)၊ ကရင်နီအမျိုးသားများ ကာကွယ်ရေးတပ် (KNDF) နှင့် ပြည်သူ့ကာကွယ်ရေးတပ်-ဒီးမော့ဆို (DMO-Local PDF) တို့ ပါဝင်သော တပ်ပေါင်းစုတို့ အစည်းအဝေး ပြုလုပ်ကာ ဆုံးဖြတ်ချက်ခဲ့ကြောင်း သိရ သည်။
အဆိုပါ ဆုံးဖြတ်ချက်တွင် ကရင်နီပြည် စစ်မြေပြင်အတွင်းနှင့် မည်သည့်နေရာ၌မဆို ပြည်သူပိုင် ပစ္စည်းများနှင့် ပြည်သူလူထု၏ အိုးအိမ်ပစ္စည်းများကို ဖေါက်ထွင်း ခိုးယူခြင်း၊ ဖြုတ်ရောင်းခြင်း၊ ဝယ် ယူခြင်းနှင့် ဖျက်ဆီးခြင်းစသည့် တရားမဝင် လုပ်ရပ်များကို လုံးဝ တားမြစ်သည်ဟု ဆိုသည်။
ယင်းတားမြစ်ချက်ကို ဖောက်ဖျက် ကျူးလွန်သည့် မည်သူ့ကိုမဆို တွေ့ရှိပါက ထိရောက်စွာအရေး ယူသွားမည်ဖြစ်ကြောင်း ကရင်နီပြည် ကြားကာလအုပ်ချုပ်ရေးကောင်စီက အမိန့်ထုတ်ထားသည်။
D Day News
