သံလွင်မြန်မာသတင်း
စက်တင်ဘာလ ၉
ပဲခူးတိုင်း၊ တောင်ငူမြို့နယ်၊ ပဒဲကျေးရွာ စစ်တပ်စခန်းကို စနိုက်ပါဖြင့် ၃ ကြိမ်သွားရောက်သွားပစ် ခတ်ခဲ့ရာ စစ်သား ၂ ဦးသေဆုံးပြီး ၁ ဦးဒဏ်ရာရရှိခဲ့ကြောင်း KNU တပ်မဟာ ၂ ၊ တပ်ရင်း ၅ လက် အောက်ခံ ကမ်းနီကြားဒေသကာကွယ်ရေးတပ်ဖွဲ့ထံမှ သိရသည်။
ဩဂုတ်လ ၂၄ ရက် နံနက် ၆ နာရီခန့်တွင် တစ်ကြိမ်၊ ၂၆ ရက် နံနက် ၉ နာရီခန့်တွင် တစ်ကြိမ်နှင့် ၃၀ ရက်နေ့နေ့တွင် တစ်ကြိမ်၊ တောင်ငူမြို့နယ်၊ ပဒဲကျေးရွာ၌ အထိုင်ချတပ်စွဲထားသော စစ်ကောင်စီ တပ်သားများကို စနိုက်ပါဖြင့် ၉ ချက်ပစ်ခတ်တိုက်ခိုက်ခဲ့ရာ စစ်သား ၂ ဦးသေဆုံးပြီး ၁ ဦး ဒဏ်ရာ ရရှိခဲ့ကြောင်း သိရသည်။
“တောင်ငူမြို့နယ်၊ စစ်တောင်းမြစ် အရှေ့ဘက်ကမ်းက ပဒဲရွာမှာပါ၊ ၃ ကြိမ်စလုံးပါပဲ၊” ဟု KNU တပ် မဟာ ၂ ၊ တပ်ရင်း ၅ လက် အောက်ခံ ကမ်းနီကြားဒေကာကွယ်ရေးတပ်ဖွဲ့ထံမှ သိရသည်။
အလားတူ စက်တင်ဘာလ ၂ ရက် နံနက် ၁၀ နာရီက သံတောင်ကြီးမြို့နယ်၊ တောင်ငူ -လိပ်သိုလမ်းမ ပေါ်ရှိ သံမိုးတောင်စခန်းကို ဝင်ရောက်တိုက်ခိုက်ခဲ့ရာ အပြန်အလှန် ပစ်ခတ်တိုက်ပွဲ ၁ နာရီခန့် ကြာ မြင့်ခဲ့ပြီး စစ်ကောင်စီတပ်သားများ ထိခိုက်သေဆုံးမှုကို စုံစမ်းနေဆဲဖြစ်ကြောင်း သိရသည်။
ထို့အပြင် စက်တင်ဘာလ ၇ ရက်နေ့က သံတောင်ကြီးမြို့နယ်၊ တောင်ငူ -လိပ်သိုလမ်းမပေါ်ရှိ ဇလဲ စခန်းမှ တောင် ဇလဲကျေးရွာဘက်သို့ ကင်းလှည့်ထွက်လာသော အကြမ်းဖက်စစ်ကောင်စီတပ်သား များကို ဇလဲစခန်းနှင့် တောင်ဇလဲစခန်းကြားတနေရာမှ အသင့်စောင့်ကြိုတိုက်ခိုက်ခဲ့ရာ စစ်သား ၂ ဦး သေဆုံးပြီး ၃ ဦးဒဏ်ရာရရှိခဲ့ကြောင်း သိရ သည်။
“သံမိုးတောင်စခန်းက သိပ်သိုဘက်ပါ၊ သံတောင်ကြီးမြို့နယ်ထဲမှာပါပဲ။ တောင်ငူ -လိပ်သိုလမ်းပိုင်း မှာပါ။ သံမိုးတောင်စခန်းတိုက်ပွဲကတော့ နောက်ဆက်တွဲခွေးသေထိခိုက် မသိရသေးပါဘူး။ မိဘပြည် သူတွေအနေနဲ့ အစစအရာရာ ဂရုစိုက်ပေးကြပါ၊ ပြီးတော့ အားတင်းထားပေးကြပါလို့ ပြောချင်ပါ တယ်” ဟု KNU တပ်မဟာ ၂ ၊ တပ်ရင်း ၅ လက် အောက်ခံ ကမ်းနီကြားဒေကာကွယ်ရေးတပ်ဖွဲ့မှ တာဝန်ရှိသူတစ်ဦးက ပြောကြားသည်။
အဆိုပါ တိုက်ခိုက်မှုများကို KNU တပ်မဟာ ၂ ၊ တပ်ရင်း ၅ လက် အောက်ခံ ကမ်းနီကြား ဒေသကာ ကွယ်ရေး တပ်ဖွဲ့မှ ရဲဘော်များက တိုက်ခိုက်ခဲ့ခြင်းဖြစ်ပြီး တော်လှန်ရေးတပ်ဖွဲ့ဝင်များအထိအခိုက်မ ရှိအောင်မြင်ခဲ့ကြောင်း သိရသည်။
Thanlwin Myanmar Media
