မြဝတီမြို့တောင်ဘက် ကနဲလေးစစ်တပ်စခန်းကို သိမ်းပိုက်ရရှိ၊ စစ်ကောင်စီတပ်သား ၅၀ ကျော် ထိုင်းနိုင်ငံဘက်ထွက်ပြေး
သံလွင်မြန်မာသတင်း
မေလ ၂၉
ကရင်ပြည်နယ်၊ မြဝတီမြို့နယ် မြဝတီမြို့တောင်ဘက်၊ မြန်မာ − ထိုင်းနယ်စပ် ကနဲလေးကျေးရွာရှိ အကြမ်းဖက် စစ်ကောင်စီတပ်စခန်းကို တိုက်ခိုက်သိမ်းပိုက်ခဲ့ရာ စစ်ကောင်စီတပ်သား ၅၀ ကျော် ထိုင်းနိုင်ငံဘက်သို့ ထွက်ပြေးသွားကြောင်း KNLA စစ်ရေးသတင်းရင်းမြစ်ထံက သိရသည်။
မေလ ၂၁ ရက်နေ့က အဆိုပါ ကနဲလေးစစ်တပ်စခန်းကို ကရင်အမျိုးသားလွတ်မြောက်ရေးတပ်မ တော် (KNLA) ၊ PDF ပူးပေါင်းတပ်များက ပိတ်ဆို့တိုက်ခိုက်နေခြင်းဖြစ်ပြီး ယမန်နေ့မေလ ၂၈ ရက် နေ့က အပြီးသတ်သိမ်းပိုက်နိုင်ရေး ထိုးစစ်ဆင်တိုက်ခိုက်ခဲ့ရာ ညဦးပိုင်းတွင် ခုခံနေသော စစ်သားများ ထိုင်းနိုင်ငံဘက်သို့ ထွက်ပြေးသွားသဖြင့် အပြီးသတ်သိမ်းပိုက်ရရှိခဲ့ခြင်းဖြစ်ကြောင်း သိရသည်။
ယင်းစခန်းသိမ်းတိုက်ပွဲအတွင်း စစ်ကောင်စီတပ်ထိခိုက်သေဆုံးမှုရှိသော်လည်း အရေအတွက် အတိ အကျကို သိရှိရခြင်းမရှိသေးကြောင်း၊ ထိုင်းနိုင်ငံဘက်ခြမ်းသို့ ထွက်ပြေးသွားသည့် စစ်သား ၅၂ ဦးရှိ ကြောင်း သိရသည်။
ထိုင်း -မြန်မာနယ် စပ်ရှိ စစ်တပ်စခန်းများကို KNLA ပူးပေါင်းတပ်ဖွဲ့များက တိုက်ခိုက်သိမ်းပိုက်လျက် ရှိရာ ပူးလူးတူ၊ ခလယ့်ဒေး၊ တခေါဘီခွီး၊ မော်ဖားသူးစခန်း ၊တာလယ်စခန်း၊ မယ်လစခန်း၊ မော်ဖိုး ကေ စစ်စခန်းနှင့် ဘလက်ဒိုစခန်းများကို ဆက်တိုက် တိုက်ခိုက်သိမ်းယူနိုင်ခဲ့ပြီး ယခုနောက်ဆုံးတွင် ကနဲလေးစခန်းကိုပါ တိုက်ခိုက် သိမ်းပိုက်လိုက်ခြင်းဖြစ်သည်။
Thanlwin Myanamar Media
