ဘုရင့်နောင်မြို့ တိုက်ခိုက်ရေးသင်တန်းကျောင်း ရှော့တိုက်ဒုံးဖြင့် တိုက်ခိုက်မှု ဗိုလ်မှူးအဆင့်ရှိသူ ၃ ဦး အပါအဝင် ၇ ဦးသေဆုံး
သံလွင်မြန်မာသတင်း
မေလ ၂၁
ကရင်ပြည်နယ်၊ သံတောင်ကြီးမြို့နယ်၊ ဘုရင့်နောင်တပ်မြို့ရှိ တပ်မတော် (ကြည်း) တိုက်ခိုက်ရေး ကျောင်း (ဘုရင့်နောင်) ကို ရှော့တိုက်ဒုံးဖြင့်ပစ်ခတ်တိုက်ခိုက်ခဲ့ရာ ဗိုလ်မှူးအဆင့်ရှိသူ ၃ ဦးအပါအ ဝင် ၇ ဦးသေဆုံးခဲ့ကြောင်း Brave Warriors for Myanmar (BWM) အဖွဲ့ထံမှ သိရသည်။
မေလ ၁၉ ရက် နံနက် ၇ နာရီ ၂၀ မိနစ်က သံတောင်ကြီးမြို့နယ်၊ ဘုရင့်နောင်တပ်မြို့ရှိ စစ် ကောင်စီ ၏ တပ်မတော် (ကြည်း) တိုက်ခိုက်ရေးကျောင်း (ဘုရင့်နောင်) အတွင်းသို့ ၁ဝ၇ မမ ရှော့ တိုက်ဒုံး ၅ လုံး ဖြင့်ပစ်ခတ်ရာ ၄ လုံးကို အောင်မြင်စွာပစ်ခတ် တိုက်ခိုက်နိုင်ခဲ့ကြောင်း သိရသည်။
ထိုသို့ တိုက်ခိုက်မှုအတွင်း သင်တန်းသားအရာရှိ ဗိုလ်မှူး ၇ ဦး စိုးရိမ်ဖွယ်အဆင့်ဒဏ်ရာရရခဲ့ပြီး ၎င်း တို့ကို တပ်မတော် စစ်ဆေး ရုံသို့ ပို့ဆောင်ကုသစဉ် ၃ ဦးသေဆုံးသွားကြောင်း၊ ထို့အပြင် ကျောင်းအုပ် ကြီး လုံခြုံရေး စစ်သည် ၂ ဦး ၊ ဒုတပ်ကြပ် ၂ ဦးတို့ပွဲချင်းပြီး သေဆုံးခဲ့ရာ စုစုပေါင်းသေဆုံးသူ ၇ ဦး ရှိ ကြောင်း သိရသည်။
ထို့အပြင် ကျောင်းအုပ်ကြီးနေအိမ် ကားဂိုဒေါင်နှင့် ကားအကြီး ၂ စီး ၊ တပ်ရင်းမှူးသင်တန်းသား အ ရာရှိ အိပ်ဆောင်များဖြစ်သော အင်ကြင်းဆောင်၊ သဇင်ဆောင် ၊ နှင်းဆီဆောင်များ ၊ ကျောင်းဗဟို ကင်း ကင်းသားအိပ်ဆောင်ထိမှန်ခဲ့ပြီး သေနတ်တင်စင် ၆ ခု ကျောင်းဌာနချုပ် လက်နက်တိုက် မျက် နှာကျက် ပွင့်ထွက်၍ လက်နက်များ ထိခိုက်မှုရှိခဲ့ကြောင်း ၊ကျောင်းဗဟိုကင်း ကင်းသားအိပ်ဆောင် ထိ မှန်ခဲ့မှုကြောင့် စစ်သည် ၃ ဦး ဒဏ်ရာရရှိခဲ့သည့်အပြင် နောက်ထပ် စုစုပေါင်း ၁၆ ဦး မစိုးရိမ်ရ ဒဏ်ရာရရှိခဲ့ကြောင်း သိရသည်။
“ထိရောက်တဲ့မစ်ရှင်ဖြစ်အောင်အဘက်ဘက်ကဝိုင်းဝန်းပူးပေါင်းပေးခဲ့ကြတဲ့တော်လှန်ရေးမဟာမိတ်များအားလုံးကိုအထူးကျေးဇူးတင်ကြောင်းပြောချင်ပါတယ်” ဟု Brave Warriors for Myanmar (BWM) အဖွဲ့မှ တာဝန်ရှိသူတစ်ဦးက ပြောကြားသည်။
အဆိုပါ တိုက်ခိုက်မှုကို Brave Warriors for Myanmar (BWM) ၊ Anti-Coup People’s Liberation Force (ACPLF) ၊ Mountain Knight Civilian Defense Forces (MKCDF) KNLA တပ်မဟာ ၂ ၊ တပ်ရင်း ၅ တို့ပူးပေါင်း၍ တိုက်ခိုက်ခဲ့ခြင်းဖြစ်ကြောင်း သိရသည်။
စစ်ရှုံးကောင်စီ၏ တပ်မတော်ကြည်း တိုက်ခိုက်ရေးကျောင်း (ဘုရင့်နောင်) သည် အောက်မြန်မာ ပြည်ရှိ တပ်ရင်း၊ တပ်ဖွဲ့အသီးသီးကို ဦးဆောင်နေကြသော အရာရှိများအတွက် တပ်စုမှူး၊ တပ်ခွဲ မှူးနှင့် တပ်ရင်းမှူးသင်တန်းများ ပေး၍ တိုက်ခိုက်ရေး ပညာကို အဓိကသင်ကြား ပေးနေသည့် တိုက်ခိုက်ရေး သင်တန်းကျောင်း ဖြစ်ပြီး စစ်ရှုံးကောင်စီ ၏ ဩဇာခံ၍ ပြည်သူလူထုကို နည်းမျိုးစုံ ဖြင့် နှိပ်စက်ရန် စစ်ကောင်စီယန္တရားအား အမိန့်ပေးကွပ်ကဲနေသော စစ်ကောင်စီ အရာရှိများ ကို ပြည်သူ့ကိုယ်စား တန်ပြန် တိုက်ခိုက်ရန်ရည်ရွယ်၍ BWM နှင့် မဟာမိတ်များက BWM Mission 38 ကို ဖော်ဆောင်ရခြင်းဖြစ်ကြောင်း အသိပေးထားသည်။
Thanlwin Myanmar Media
