ဖာပွန်ခရိုင်တွင် ဒီဇင်ဘာလ ဝက်အတွင်း တိုက်ပွဲ ၄၅ ကြိမ်ဖြစ်ပြီး စစ်သား ၁၁ ဦးသေဆုံး
သံလွင်မြန်မာသတင်း
ဒီဇင်ဘာလ ၁၈
ကရင်ပြည်နယ်၊ ဖာပွန်(မူတြော်)ခရိုင်အတွင်း၌ ဒီဇင်ဘာလဝက်အတွင်း တိုက်ပွဲ ၄၅ ကြိမ်ဖြစ်ပြီး စစ်သား ၁၁ ဦးသေဆုံးခဲ့ကြောင်း KNU ဗဟိုက သတင်းထုတ်ပြန်သည်။
ဒီဇင်ဘာလ ၁ ရက်နေ့မှ ၁၅ ရက်နေ့အထိ အာဏာသိမ်းအကြမ်းဖက်စစ်ကောင်စီတပ်များနှင့် ကရင် အမျိုးသားလွတ်မြောက်ရေးတပ်မတော် (K.N.L.A) ဦးဆောင်သော တော်လှန်ရေးပူးပေါင်းတပ်များ အကြား တိုက်ပွဲကြီးတိုက်ပွဲငယ်ပေါင်း (၄၅) ကြိမ်ခန့် ဖြစ်ခဲ့ကြောင်း သိရသည်။
ယင်းတိုက်ပွဲများအတွင်း စစ်ကောင်စီတပ်သား ၁၁ ဦးသေဆုံးကာ ၈ ဦးခန့် ထိခိုက်ဒဏ်ရာရရှိခဲ့ရ ကြောင်း သိရသည်။
တိုက်ပွဲများဖြစ်ပွားစဉ်အတွင်း အာဏာသိမ်းအကြမ်းဖက်စစ်ကောင်စီတပ်များမှ ပြည်သူလူထုများ နေ ထိုင်ရာ ကျေးရွာများအတွင်းသို့ လက်နက်ကြီး ၂၈ လုံးခန့် ပစ်ခတ်ခဲ့သောကြောင့် အပြစ်မဲ့အရာသား ပြည်သူ ၁ ဦးထိခိုက်ဒဏ်ရာရရှိခဲ့ကြောင်း သိရသည်။
Thanlwim Myanmar Media
မှတ်ချက်များ ပေးခဲ့နိုင်ပါတယ်...
