ဖာပွန်မြို့နယ်၊ တောင်သုံးလုံးစခန်းကုန်း ၂ ခုကို အပြီးသတ်တိုက်ခိုက်သိမ်းပိုက်မှု စစ်သား ၁၆ ဦး သေဆုံးပြီး ၁၂၀ မမ လက်နက်ကြီးအပါအဝင် လက်နက်ခဲယမ်းအများအပြားသိမ်းဆည်းရရှိ
သံလွင်မြန်မာသတင်း
ဒီဇင်ဘာလ ၁၂
ကရင်ပြည်နယ်၊ ဖာပွန်မြို့နယ်၊ တောင်သုံးလုံးစခန်း ၂ ခုကို အပြီးသတ် တိုက်ခိုက်သိမ်းပိုက်ခဲ့ရာ အကြမ်းဖက်စစ်သား ၁၆ ဦးသေဆုံးပြီး ၁၂၀ မမ လက်နက်ကြီးအပါအဝင် လက်နက်ခဲယမ်း အများ အပြား သိမ်းဆည်းရရှိခဲ့ကြောင်း တောင်ပိုင်းတိုင်း စစ်ဒေသနှင့်တော်လှန်ရေးသတင်းရင်းများထံက သိရသည်။
ဒီဇင်ဘာလ ၇ ရက်နေ့က ဖာပွန်မြို့နယ်၊ ဖာပွန် -ကမမောင်းလမ်းပေါ်ရှိ အကြမ်းဖက်စစ်ကောင်စီ၏ ဆင်စွယ်စခန်းကို လည်းကောင်း၊ ဒီဇင်ဘာလ ၁၁ ရက် နံနက် ၁၁ နာရီခန့်တွင် တောင်သုံးလုံးစခန်း ကိုလည်းကောင်း အပြီးသတ်သိမ်းပိုက်ရရှိခဲ့ခြင်းဖြစ်ကြောင်း၊ တောင်သုံးလုံးစခန်းသိမ်းတိုက်ပွဲတွင် အကြမ်းဖက်စစ်ကောင်စီတပ်သား ၁၆ ဦးသေဆုံးပြီး ဒုတပ် ရင်းမှူးတစ်ဦးအပါအဝင် စစ်သား အများ အပြား ဒဏ်ရာရရှိခဲ့ကြောင်း သိရသည်။
ထို့အပြင် အကြမ်းဖက်စစ်သားများ အသုံးပြုသော ၁၂၀ မမ လက်နက်ကြီး ၁ လက်၊ ၈၁ မမ လက် နက်ကြီး ၃ လက်၊ ၆၀ မမ လက်နက်ကြီး ၂ လက် ၊ တို့အပါ အဝင် လက်နက်ငယ်များ၊ ခဲယမ်းများနှင့် မီးစက် ၃ လုံးတို့ကိုလည်း သိမ်းဆည်းရရှိခဲ့ကြောင်း သိရသည်။
အဆိုပါ စခန်းသိမ်းတိုက်ပွဲများကို ဒီဇင်ဘာလ ၄ ရက်နံနက်ပိုင်းကစတင်၍ ကရင်အမျိုးသားလွတ် မြောက် ရေးတပ်မတော် – KNLA ၊ ပြည်သူ့ကာကွယ်ရေးတပ်မတော် – PDF ၊ ဗမာ့အမျိုးသားလွတ် မြောက်ရေး တပ်မတော် – BPLA နှင့်Force For Federal Democracy – FFD အဖွဲ့တို့ ပူးပေါင်းကာ တိုက်ခိုက်ခဲ့ခြင်းဖြစ်ပြီး ပူးပေါင်းတပ်ဖွဲ့ဝင် ၄ ဦး မစိုးရိမ်ရ ဒဏ်ရာရရှိခဲ့ကြောင်း သိရသည်။
သိမ်းပိုက်ရရှိခဲ့သည့် အကြမ်းဖက်စစ်တပ်စခန်းများသည် ဖာပွန်-ကမမောင်းလမ်းပန်းဆက်သွယ်ရေး ကို အဓိကထိန်းချုပ်ထားသည့် စခန်းများဖြစ်ပြီး စစ်ရေးဗျူဟာအရ အရေးပါသောစခန်းများဖြစ် ကြောင်း သိရသည်။
Thanlwin Myanmar Media
