သံလွင်မြန်မာသတင်း
စက်တင်ဘာလ ၉
ကချင်ပြည်နယ်၊ ဖားကန့်မြို့နယ်၊ ဆိပ်မူ(ဆိုင်းတောင်)ကျေးရွာကို အကြမ်းဖက်စစ်တပ်က လက်နက် ကြီးဖြင့် ပစ်ခတ်မှုကြောင့် ကျောင်းဆရာ ၁ ဦးအပါအဝင် ပြည်သူ ၁၀ ဦး ထိခိုက်ဒဏ်ရာရရှိခဲ့ကြောင်း ဒေသ သတင်းရင်းမြစ်များထံက သိရသည်။
ယနေ့ စက်တင်ဘာလ ၉ ရက် နံနက်အစောပိုင်း ၁ နာရီခန့်က ဖားကန့်မြို့အခြေစိုက်၊ အကြမ်းဖက် စစ်ကောင်စီ၏ ဗျူဟာကုန်းမှ လက်နက်ကြီးများဖြင့် ဆိပ်မူ(ဆိုင်းတောင်)ကျေးရွာ၊ ရပ်ကွက် ၃ ၊ တရုတ်ဘုံကျောင်းရှေ့ရှိ အလယ်တန်းကျောင်းဘေးကပ်လျက်နေအိမ်တစ်လုံးပေါ် ကျရောက်ပေါက် ကွဲခဲ့ရာ အလယ်တန်းပြ ကျောင်းဆရာ ကိုလှိုင်မင်းထွန်း ၊ ကိုဇော်ဝင်းနိုင်နှင့် ကိုမျိုးတို့ ထိခိုက်ဒဏ် ရာရရှိခဲ့ကြောင်း သိရသည်။
ထို့အပြင် အကြမ်းဖက်စစ်ကောင်စီတပ်က ဆိပ်မူ(ဆိုင်းတောင်)ကျေးရွာအုပ်စုအတွင်းရှိ ကျေးရွာများ ကို လက်နက်ကြီးများဖြင့် ရည်ရွယ်ချက်ရှိရှိ အလုံး ၂၀ ခန့်ပစ်ခဲ့ရာ ပြည်သူများထိခိုက်မှုရှိသည့် အပြင် နေအိမ်များလည်း ထိခိုက်ပျက်စီးခဲ့ကြောင်း၊ အကြမ်းဖက်စစ်ကောင်စီတပ်က လက်နက်ကြီးဖြင့် ပစ် ခတ်မှုကြောင့် ယနေ့ စက်တင်ဘာလ ၉ ရက်နေ့တစ်ရက်တည်း ပြည်သူ ၁၀ ဦးခန့် ထိခိုက်ဒဏ်ရာ ရရှိခဲ့ကြောင်း သိရသည်။
“ဆိပ်မူကျေးရွာက တော်လှန်ရေးအင်အားစုတွေ ထိန်းချုပ်ထားတာ၊ အဲဒီဆိပ်မူကျေးရွာကို ဗျူဟာ ကုန်းကနေရော ၊ မရှီကထောင် ရခိုင်ကုန်းပေါ်မှာ တပ်စွဲထားတဲ့အဖွဲ့ကနေရော ၊ ဆန်းကြွယ်၊ မော် တောင်းက သူတို့ဝင်စီးထားတာပေါ့၊ အဲဒီနေရာကရော ဆိပ်မူကျေးရွာကို ပစ်တာ၊ အဓိကတော့ ဖား ကန့်ဗျူဟာကုန်းက လက်နက်ကြီးတွေနဲ့ ပစ်တာပေါ့၊ ဆိပ်မူကျေးရွာက အရပ်သားနေအိမ်တွေ ထိ တာပေါ့၊ ကျနော်သိထားတာတင်အားလုံး ၇ ယောက်ရှိတယ်။ ဒဏ်ရာအသေးအမွှားရတာထားတွေ လည်းရှိသေးတယ်။ “ဟု ဒေသသတင်းရင်းမြစ်က ပြောကြားသည်။
အကြမ်းဖက်စစ်ကောင်စီတပ်က ပြည်သူလူထုနေထိုင်ရာကျေးရွာ၊ ရပ်ကွက်များ အတွင်းသို့ လက် နက်ကြီးဖြင့် ရည်ရွယ်ချက်ရှိရှိပစ်ခတ်နေမှုကြောင့်ဖားကန့်မြို့ အနောက်ခြမ်းရှိ ကျေးရွာ ၁၃ ရွာမှ ပြည်သူ တစ်သောင်းကျော် စစ်ဘေးရှောင်နေကြရကြောင်း သိရသည်။
Thanlwin Myanmar Media
