သံလွင်မြန်မာသတင်း
ဩဂုတ်လ ၉
ကချင်ပြည်နယ်၊ ဖားကန့်မြို့တွင် နေ့စဉ်၊ နေ့တိုင်း တိုက်ပွဲပြင်းထန်နေပြီး အထိနာသော စစ်တပ်က ဖားကန့် ဆုတောင်းကုန်းကို လက်နက်ကြီး ဖြင့် ပစ်ခတ်ခဲ့ရာ အမျိုးသမီး ၁ ဦးသေဆုံးပြီး ကလေးငယ် ၅ ဦး ထိခိုက် ဒဏ်ရာရရှိခဲ့ကြောင်း KIA စစ်ရေးသတင်းရင်းမြစ်ထံက သိရသည်။
ဩဂုတ်လ ၇ ရက် ည ၉ နာရီခန့်က ဖားကန့်မြို့ခြေစိုက် အကြမ်းဖက်စစ်ကောင်စီ၏ တပ်မကုန်းမှ ဆိုင်းတောင်ကျေးရွာအတွင်းနှင့် ခရစ္စယာန် ဘာသာရေးရေး ဆုတောင်းကုန်းဘက်ကို လက်နက်ကြီး ဖြင့် ၆ ချက်ပစ်ခတ်ခဲ့ရာ ပြည်သူ အမျိုးသမီး ၁ ဦးသေဆုံးပြီး ကလေးငယ် ၅ ဦး ထိခိုက်ဒဏ်ရာရရှိခဲ့ ကြောင်း၊ စစ်ကောင်စီတပ် စစ် ကြောင်း ဖားကန့်မြို့သို့ ရောက်ရှိချိန်မှ စ၍ ၂ လကျော်အတွင်း ပြည် သူ ၆၀ ကျော်သေဆုံးကာ ၁၅၀ ကျော် ဒဏ်ရာရရှိခဲ့ပြီဖြစ်ကြောင်း သိရသည်။
“မနေ့ည (ဩဂုတ်လ ၇ ရက်) က ၉ နာရီလောက်မှာ စစ်ကောင်စီရဲ့ ဖားကန့်တပ်မကုန်းကနေ လက် နက် ကြီး ၆ ချက် လောက် ပစ်တာ ဆိုင်းတောင် ဆုတောင်းကုန်းထဲ ကျပြီးတော့ အမျိုးသမီး တစ် ယောက် သေဆုံး တယ်၊ ပြီးလို့ရှိ ရင် ကလေးငယ် ၅ ယောက်ထိခိုက်တယ်။ စစ်ကောင်စီရဲ့ ဖားကန့် တပ်မကုန်း၊ သူတို့ တပ်စွဲထားတဲ့ နေရာကနေ လက်နက်ကြီးနဲ့ တောက်လျှောက်ပစ်တဲ့အတွက် ဖား ကန့်မှာ ပြည်သူ တွေနေ့တိုင်းသေနေတယ်၊ စစ်ကောင်စီတပ်ဖွဲ့စစ်ကြောင်း ဖားကန့်ရောက်လာတဲ့ ၂ လကျော်အ တွင်း နေ့တိုင်းနီးပါး စစ်ကြောင်းထိုး၊ လက်နက်ကြီးတွေနဲ့ ပစ်သတ်တဲ့အတွက် နေ့တိုင်း နီးပါးပြည်သူ တွေ သေတာ အယောက် ၆၀ ကျော်ပြီ။ ထိခိုက်ဒဏ်ရာရတာ ၁၅၀ ကျော်ပြီ။ ဖားကန့် မှာ စစ်ကောင်စီက ပြည်သူတွေ အပေါ် လက်နက်ကြီးနဲ့ ပစ်ခတ်သတ်ဖြတ်နေတာ။”ဟု KIA စစ်ရေး သတင်းရင်းမြစ်က ပြောကြားသည်။
အလားတူ ဩဂုတ်လ ၇ ရက် မွန်းလွဲ ၁ နာရီခန့်ကလည်း ဖားကန့်မြို့၊ စွတ်နယန်ကျေးရွာနှင့်မော်ဝမ်း ကလေးကျေးရွာ၊ ညောင်ပင်ကုန်းကျေးရွာအနီးတဝိုက်တွင် KIA၊ KPDF ပူးပေါင်းတပ်ဖွဲ့နှင့် စစ်ကောင် စီ၊ SNA ပြည်သူ့စစ်ပူးပေါင်းတပ်ဖွဲ့တွေကြား တိုက်ပွဲပြင်းထန်ခဲ့ပြီး ညနေ ၄ နာရီခန့်တွင် မော်ဝမ်းက လေးကျေးရွာအနီးတဝိုက်ကို စစ်ကောင်စီတပ်က လေကြောင်းဖြင့် ဗုံးကျဲတိုက်ခိုက်ခဲ့ကြောင်း သိရ သည်။
“မနေ့(ဩဂုတ်လ ၇ ရက်) က နေ့လည် ၁ နာရီလောက်မှာလည်း ဖာကန့်၊ စွတ်နယန်နဲ့ မော်ဝမ်း လေး တဝိုက်မှာ စစ် ကောင်စီ နဲ့ ပြည်သူ့စစ်ပူးပေါင်းတပ်ဖွဲ့တွေကို KIA ၊ KPDF ပူးပေါင်းတပ်ဖွဲ့ တွေက တိုက်ခိုက်တဲ့ အတွက် စစ် ကောင်စီဘက်က အထိနာတယ်။ လက်နက်ကြီး၊ လက်နက်ငယ်နဲ့ အပြန်အလှန်ချ ကြတာ၊ ထိတွေ့ တိုက်ပွဲပွားတယ်၊ ညနေ ၄ နာရီ ၄ မိနစ်လောက်မှာ စစ်ကောင်စီ ဘက်က ဂျက်ဖိုက်တာနဲ့ မော်ဝမ်းက လေးအနီးတဝိုက်ကို လေကြောင်းတိုက်ခိုက်မှု ပြုလုပ်သွား တယ်၊ ဒီရက်ပိုင်း ဖားကန့်မှာ အဓိက ညောင်ပင်ကုန်း အနီးတဝိုက်မှာ တိုက်ပွဲပြင်းထန်တာ၊ ညောင် ပင် ကုန်းအောက် က သောင်းချုံ၊ မော်မောင်းလျန်မှာ စစ်ကောင်စီကတပ်စွဲထားတာ၊ အင်အား ရာဂဏန်း နဲ့တပ်စွဲ ထားတယ်၊ အဲဒီစစ်ကောင်စီ တပ်ဖွဲ့ဝင်တွေနဲ့ KIA ၊ KPDF ပူးပေါင်းတပ်ဖွဲ့တွေ တိုက်ပွဲဖြစ်တော့ စစ်ကောင်စီတပ်က သေဆုံးထိခိုက်တာတွေ တော်တော်များတယ်၊ သူတို့ဘက် က အထိနာနေတယ်။ အဲလိုအခြေအနေရှိတယ်။” KIA စစ်ရေး သတင်းရင်းမြစ်က ရှင်းပြသည်။
ဖားကန့်မြို့၊ မော်မောင်းလျန်၊ စွတ်နယန်၊ အမှိုက်ပုံနှင့် ဖားကန့်သင်္ချိုင်းတို့တွင် စစ်ကောင်စီတပ်က စစ်ကြောင်း ၄ ကြောင်းဖြင့် လှုပ်ရှားနေသဖြင့် နေ့စဉ်နေ့တိုင်းနီးပါး တိုက်ပွဲပြင်းထန်နေပြီး အထိနာ သဖြင့် ဖားကန့်မြို့၊ တပ်မကုန်း၊ မှော်ဆီဇာကုန်းတို့၌ တပ်စွဲထားသော စစ်သားများက ပြည်သူလူထု နေထိုင်ရာ ကျေးရွာများအတွင်းသို့ ရည်ရွယ်ချက်ရှိရှိလက်နက်ကြီးများဖြင့် ပစ်ခတ်တိုက်ခိုက်နေခြင်း ဖြစ်ကြောင်း သိရသည်။
Thanlwin Myanmar Media
