သံလွင်မြန်မာသတင်း
အောက်တိုဘာလ ၂၃
အာဏာရှင်စနစ်ကို ဒီမိုကရေစီအဖြစ် ရုပ်ဖျက်ခြင်းကို ခွင့်မပြုရန်နှင့်လူသားချင်းစာနာမှုဝါဒကို အာ ဏာရှင်တို့၏ ဓားစာခံအဖြစ် ခွင့်မပြုပါရန် NUG ၊ နိုင်ငံခြားရေးဝန်ကြီးဒေါ်ဇင်မာအောင်ကတောင်းဆို လိုက်သည်။
၁၅၁ ကြိမ်မြောက် နိုင်ငံတကာပါလီမန်များ (IPU) ညီလာခံ၌ “အကျပ်အတည်းကာလများ၌ လူသား ချင်းစာနာထောက်ထားမှုဆိုင်ရာ စံနှုန်းများကို မြှင့်တင်ခြင်းနှင့် လူသားချင်းစာနာမှု လုပ်ငန်းများကို ပံ့ပိုးကူညီခြင်း” ခေါင်းစဉ်ဖြင့် ပြုလုပ်သည့် General Debate အစီအစဉ်တွင် မြန်မာလွှတ်တော်ကိုယ် စားလှယ်အဖွဲ့ ဒုတိယခေါင်းဆောင် အနေဖြင့် ပြောကြားခဲ့ခြင်းဖြစ်သည်။
မြန်မာနိုင်ငံတွင် ခေတ်တလျှောက်လုံး ကြုံတွေ့ခဲ့သည့် လူသားချင်းစာနာထောက်ထားမှုဆိုင်ရာ ပဋိ ပက္ခများထဲက အဆိုးရွားဆုံးအခြေအနေတစ်ရပ်ကို ရင်ဆိုင်နေရကြောင်း၊ ယင်းအခြေအနေသည် သဘာဝကြောင့် ဖြစ်သည့် ပဋိပက္ခတစ်ခု မဟုတ်ဘဲ လူတစ်ဦး၏ ရက်စက်ကြုမ်းကြုတ်မှုကြောင့် ဖြစ်ပြီး ၂၀၂၁ ခုနှစ်၊ ဖေဖော်ဝါရီလ စစ်တပ်အာဏာသိမ်းမှုကတည်းက အာဏာသိမ်းစစ်တပ်က ပြည် သူအပေါ်ကို စစ်ပြန်တိုက်နေခြင်းဖြစ်ကြောင်း အသိပေးထားသည်။
အာဏာသိမ်းစစ်တပ်၏ သတ်ဖြတ်မှုကြောင့် ယနေ့ထိ ပြည်သူ ၆,၈၀၀ ကျော် အသတ်ခံထားရပြီး လူ ပေါင်း ၂၂,၀၀၀ ကို အကြောင်းပြချက်မရှိ ဖမ်းဆီးထားကြောင်း၊ ပြည်သူ ၅ သန်းကျော် နေရပ်စွန့်ခွာ ထွက်ပြေးနေရပြီး ကျေးရွာ အမြောက်အမြားဟာလည်း ဖျက်ဆီးခံထားရကြောင်း၊ ထို့အပြင် စာသင် ကျောင်း၊ ဆေးရုံနှင့် ဘာသာရေးအဆောက်အအုံများကို လေကြောင်းဖြင့် ပစ်မှတ်ထား တိုက်ခိုက် ထားကြောင်း ထောက်ပြထားသည်။
ထို့အပြင်စစ်တပ်က ငလျင်ဘေးဒဏ်ကြောင့် အပစ်ခတ်ရပ်စဲရေးကာလအတွင်း လေကြောင်း တိုက် ခိုက်မှု ၆၀၀ ကျော်ကို လုပ်ဆောင်ခဲ့ပြီး ပြည်သူများ၏ ကယ်ဆယ်ရေးထက် နိုင်ငံရေးအရ ထိန်းချုပ်မှု ကို ဦးစားပေးလုပ်ခဲ့ခြင်းဖြစ်ကြောင်း၊ ထိုသို့ လုပ်ရပ်များသည် စစ်ရာဇဝတ်များနှင့် လူသားမျိုးနွယ် အပေါ်ကျူးလွန်သည့် ရာဇဝတ်မှုများ မြောက်ကြောင်း အသိပေးထားသည်။
“စစ်အာဏာရှင်ဟာ ပြည်သူကို ဆက်လက်ပစ်မှတ်ထားတိုက်ခိုက်နေဆဲ ဖြစ်ပါတယ်။ လူသားချင်း စာနာထောက်ထားမှုအကူအညီ ရရှိနိုင်မှုကို ပိတ်ပင်တားဆီးနေပါတယ်။ အကူအညီတွေကို သိမ်းယူ နေပါတယ်။ ဒါဟာ လူသားဆန်မှု၊ ကြားနေမှု၊ ဘက်မလိုက်မှုနှင့် အမှီအခိုကင်းမှုဆိုတဲ့ အခြေခံမူတွေ ကို ချိုးဖောက်ခြင်း ဖြစ်ပါတယ်။” ဟု ဒေါ်ဇင်မာအောင်က ပြောကြားသည်။
လာမည့် ဒီဇင်ဘာလအတွင်း စစ်တပ်က ဦးစီးပြုလုပ်သည့် ရွေးကောက်ပွဲသည် ပဋိပက္ခကို ပိုမို ဆိုးရွာ စေမည်ဖြစ်ပြီး ယင်းအတုအယောင်ရွေးကောက်ဖြင့် တရားဝင်မှုရရှိစေရန် ကြိုးပမ်းနေခြင်းဖြစ် ကြောင်း၊ စစ်တပ်က နိုင်ငံ၏ နယ်မြေ ၄၀ ရာခိုင်နှုန်းသာ ထိန်းချုပ်ထားပြီး အတိုက်အခံ နိုင်ငံရေး သမားများ၊ သတင်းမီဒီယာများကို အသံမထွက်စေရန် ပြုလုပ်ထားသည်ဟု ဆိုသည်။
“မြန်မာပြည်သူတွေဟာ ဒီတရားမဝင်တဲ့ ရွေးကောက်ပွဲတွေကို ပြတ်ပြတ်သားသား ငြင်းပယ်ကြပြီး ဒီမိုကရေစီရရှိရေးအတွက် ခိုင်ခိုင်မြဲမြဲ ရှိနေဆဲ ဖြစ်ပါတယ်။ လွှတ်တော်ကိုယ်စားလှယ်များအနေနဲ့ ကျွန်မတို့ဟာ ကျွန်မတို့ရဲ့ ယုံကြည်ချက်အပေါ် စမ်းသပ်နေတဲ့ စမ်းသပ်မှုတစ်ခုနဲ့ ရင်ဆိုင်နေရပါ တယ်။ ရက်စက်ကြမ်းကြုတ်မှုအတွင်းမှာ ကြားနေတယ်ဆိုတာက ပိုမိုရှုပ်ထွေးမှုကိုသာ ဖြစ်စေပါ တယ်။” ဟု ဒေါ်ဇင်မာအောင်က ပြောဆိုထားသည်။
ထို့ကြောင့် စစ်တပ်၏ အတုအယောင်ရွေးကောက်ပွဲတွေကို ဆန့်ကျင်ပေးရန်၊ ပြည်ထောင်စုလွှတ် တော် ကိုယ်စားပြုကော်မတီနှင့် မြန်မာ့ရွေးကောက်ခံလွှတ်တော်ကိုယ်စားလှယ်များကို IPU က တရားဝင် လွှတ်တော် မိတ်ဖက်ဆွေးနွေးဖက်အဖြစ် အသိအမှတ်ပြုထားမှုကို ဆက်လက်အတည် ပြုပေးရန်၊ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ နိုင်ငံတော်သမ္မတ ဦးဝင်းမြင့် နှင့် ဖမ်းဆီးခံ လွှတ်တော်ကိုယ်စားလှယ်များအပါအဝင် နိုင်ငံရေးအကျဉ်းသားအားလုံးကို ချက်ချင်း ချွင်းချက်မရှိ လွှတ်ပေးဖရန် တောင်းဆိုထားသည်။
ထို့အပြင် နယ်မြေဒေသအားလုံးမှ လူသားချင်းစာနာထောက်ထားရေးအကူအညီများ ချက်ချင်း အ တားအဆီးမရှိ ရရှိစေရေး၊ စစ်တပ်ထံသို့ လက်နက်နှင့် လေယာဉ်ဆီ တင်ပို့မှု ပိတ်ဆို့ခြင်းအပါအဝင် အလုံးစုံ အရေးယူဒဏ်ခတ် ပိတ်ဆို့မှုများကို ချမှတ်ပေးရေး၊ လက်ရှိပဋိပက္ခကို လက်တွေ့ကျသည့် ဖြေရှင်းမှုအတွက် မြန်မာ့ဒီမိုကရေစီ အင်အားစုများနှင့် တိုင်းရင်းသား အစုအဖွဲ့များကို ပံ့ပိုးပေးရေး အတွက် ဆက်လက်တောင်းဆိုထားသည်။
“အာဏာရှင်စနစ်ကို ဒီမိုကရေစီအဖြစ် ရုပ်ဖျက်ခြင်းကို ခွင့်မပြုပါနှင့်လူသားချင်းစာနာမှုဝါဒကို အာ ဏာရှင်တို့၏ ဓားစာခံအဖြစ် ခွင့်မပြုပါနှင့်။ ပြီးတော့ မြန်မာပြည်သူတွေနဲ့ ပြစ်ဒဏ်ချမှတ်ခံနေရ သူအားလုံးအတွက် ကရုဏာ၊ ကြင်နာဂရုစိုက်မှုများကို ပြသပေးကြပါ။ အလေးထား နားထောင် ပေးတဲ့အတွက် ကျေးဇူးအများကြီးတင်ပါတယ်။ မြန်မာပြည်သူတွေနဲ့ ကျွန်မတို့ရဲ့ ဒီမိုကရေစီနဲ့ လွတ်လပ်မှု တိုက်ပွဲအတွက် အတူရပ်တည်ပေးတဲ့အတွက် ကျေးဇူးအများကြီးတင်ပါတယ်။” ဟု ဒေါ်ဇင်မာအောင်က ပြောဆိုသည်။
Thanlwin Myanmar Media
