သံလွင်မြန်မာသတင်း
ဩဂုတ်လ ၁၄
ရခိုင်ပြည်နယ်တွင် ဆာလောင်မွတ်သိပ်မှုနှင့် အရဟာရချို့တဲ့မှု မြင့်တက်လာနေကြောင်း ကမ္ဘာ့စား နပ် ရိက္ခာအစီအစဉ် – WFP က ထုတ်ပြန်သည်။
ပဋိပက္ခ၊ ပိတ်ဆို့တားဆီးမှုနှင့် ရန်ပုံငွေဖြတ်တောက်မှုများကြောင့် ရခိုင်ပြည်နယ်အတွင်းတွင် ဆာ လောင်မွတ်သိပ်မှုနှင့် အာဟာရချို့တဲ့မှုများ မြင့်တက်လာနေပြီး လူသားချင်းစာနာထောက်ထား မှု အကူအညီများ ပိုမိုပေးအပ်နိုင်ဖို့ အရေးတကြီးလိုအပ်လျက်ရှိကြောင်း ကမ္ဘာ့စားနပ်ရိက္ခာအစီအစဥ် (WFP) က တိုက်တွန်းထားသည်။
လတ်တလောလေ့လာချက်အရ ရခိုင်ပြည်နယ်အလယ်ပိုင်းရှိ အိမ်ထောင်စုပေါင်း ထက်ဝက်ကျော် သည် အခြေခံစားနပ်ရိက္ခာ လိုအပ်ချက်ကို ပြည့်မီအောင် မစားသုံးနိုင်တော့သည်ကိုတွေ့ရှိရကြောင်း၊ ထို့အပြင် ရခိုင်ပြည်နယ်မြောက်ပိုင်းတွင် ဒီထက် အခြေအနေ ပိုဆိုးနိုင်ကြောင်း ခန့်မှန်းထားထား သည်။
မိသားစုဘဝရှင်သန်ရပ်တည်ရေးအတွက် အကြွေးယူနေရခြင်း၊ တောင်းရမ်းစားသောက်နေရခြင်း၊ အိမ်တွင်းအကြမ်းဖက်မှုများဖြစ်ပွားနေခြင်း၊ ကလေးများကျောင်းထွက်လိုက်ရခြင်းနှင့် လူကုန်ကူးမှု များ အထိ နည်းမျိုးစုံဖြင့် အပူတပြင်းကြိုးစားရှင်သန်နေကြရကြောင်း WFP က ရပ်ရွာ လူထု အကြံပြုတုံ့ပြန်မှုစနစ်က လက်ခံရရှိခဲ့သည့် မှတ်တမ်းများကို အခြေပြု၍ ပြောဆိုထားသည်။
WFP အနေဖြင့် အခြေအနေအဆိုးရွားဆုံးဖြစ်နေသည့် ဒေသများကို ကူညီထောက်ပံ့မှုများ အကန့် အသတ်ဖြင့် ပြန်လည်စတင်ပေးအပ်နိုင်ရန် လုပ်ဆောင်နေပြီး နိုင်ငံတကာအသိုင်းအဝန်းအနေဖြင့် လူသားချင်းစာနာထောက်ထားမှုဆိုင်ရာ ရန်ပုံငွေများ တိုးမြှင့်ပေးအပ်ကြရန်နှင့် မြေပြင်ရှိ အာဏာ ပိုင် များအနေဖြင့်လည်း လူသားချင်းစာနာထောက်ထားမှုအကူအညီများ အတားအဆီးမဲ့ ဝင်ရောက်ကူညီခွင့်ပေးရန် WFP က တောင်းဆိုထားထားသည်။
Thanlwin Myanmar Media
