ထီးလင်းမြို့မှ ရိက္ခာရှာထွက်လသော စစ်တပ်စစ်ကြောင်းကို မိုင်းဆွဲတိုက်ခိုက်မှု စစ်သား ၄ ဦး သေဆုံး
D Day News
ဧပြီလ ၄
မကွေးတိုင်း၊ ထီးလင်းမြို့နယ်၊ ထလင်းရွာတောင်ဘက်၌ ရိက္ခာရှာထွက်လာသော အကြမ်းဖက် စစ် တပ်စစ်ကြောင်းကို မိုင်းဆွဲတိုက်ခိုက်ခဲ့ရာ စစ်သား ၄ ဦးသေဆုံးခဲ့ကြောင်း YRA ထီးလင်းတပ်ဖွဲ့ထံမှ သိရသည်။
ဧပြီလ ၃ ရက် ည ၁၀ နာရီခန့် ထီးလင်းမြို့မှ အင်အား ၇၀ ခန့်ဖြင့် ထွက်လာသော အကြမ်းဖက် စစ် တပ်စစ်ကြောင်းသည် ည ၁၁ နာရီခန့်တွင် ထလင်းကျေးရွာအတွင်းသို့ ဝင်ရောက်ပြီး ညအိပ်တပ်စွဲ ကာ ပြည်သူပိုင်ပစ္စည်းများကို ဖောက်ထွင်းခိုးယူလုယက်ခဲ့ကြောင်း သိရသည်။
ထို့နောက် ဧပြီလ ၄ ရက် နံနက် ၇ နာရီခွဲခန့်တွင် ထလင်းကျေးရွာမှ ထီးလင်းမြို့သို့ ပြန်လာစဉ် မိုင်း အကြီးများဖြင့် ပြုလုပ်ထားသည့် မိုင်းကွင်းအတွင်း ဝင်ရောက်လာသော အကြမ်းဖက်စစ်သား ၁၂ ဦး ကို မိုင်းဆွဲတိုက်ခိုက်ခဲ့ရာ စစ်သား ၄ ဦးသေဆုံးပြီး ကျန်အကြမ်းဖက်စစ်သား ၈ ဦးမှာ အပြင်းအထန် ဒဏ်ရာရရှိခဲ့ကြောင်း သိရသည်။
“ထီးလင်းမြို့ကနေ ညပိုင်းထွက်လာပြီးတော့ ရိက္ခာရှာဖွေပြီး မနက်စောစော ထီးလင်းကိုပြန်တာ၊ အပြန်မှာ မိုင်းကွင်းထဲဝင်လာလို့ မိုင်းဆွဲလိုက်တာ၊ ၄ ဦးသေပြီး ကျန်တဲ့သူတွေကဒဏ်ရာရတယ်လို့ သိရတယ်။ ထီးလင်းမြို့နဲ့ ထလင်းရွာက ၂ မိုင်လောက်ပဲရှိတာပေါ့နော်၊ ဒါဆိုတော့သူတို့ရဲစိုးမိုးထား တဲ့ နေရာ လည်းဖြစ်တဲ့အတွက် ဒဏ်ရာရတဲ့သူတွေကို ကားနဲ့လာတင်သွားတယ်လို့ သိရတယ်ဗျ။ မနေ့က ထီးလင်းကို ပြန်ရောက်သွားတယ်။ ဒီနေ့ မနက်ပဲ အနောက်ဘက်ကျေးရွာတွေထဲကို ရိက္ခာ ရှာ ပြန်ထွက်လာတယ်လို့ သိရတယ်” ဟု YRA ထီးလင်းတပ်ဖွဲ့ မှ သခင်ဇော်က ပြောကြားသည်။
အဆိုပါ တိုက်ခိုက်မှုကို ဂန့်ဂေါခရိုင်တပ်ရင်းအမှတ် ၁၅ ၊ ၁၆ ၊ ၁၇ -YRA ထီးလင်းတပ်ဖွဲ့မှ ရဲဘော် များက တိုက်ခိုက်ခဲ့ ခြင်းဖြစ်ပြီး တော်လှန်ရေးတပ်ဖွဲ့ဝင်များ အထိအခိုက်မရှိအောင်မြင်စွာ ဆုတ် ခွာနိုင်ခဲ့ကြောင်း သိရ သည်။
D Day News
