ဖားဆောင်းမြို့စစ်ကူလာသည့် ရဟတ်ယာဉ်ကို ပွိုင့်ဖိုက်၊ လက်နက်ငယ်များဖြင့် ဝိုင်းဝန်းပစ်ချရာ ထိမှန်ပျက်စီး (ရုပ်သံ)
D Day News
မေလ ၆
ကရင်နီပြည်နယ်၊ ဖားဆောင်းမြို့နယ်သို့ စစ်ကူလာသည့် ရဟတ်ယာဉ်တစ်စီးကို ပွိုင့်ဖိုက်၊ လက်နက် ငယ်များဖြင့် ပစ်ချခဲ့ရာ ထိမှန်မီးလောင်ပျက်ကျခဲ့ကြောင်း K P L Army – 1st Tactical Operations Command ကရုပ်သံနှင့်တကွ အသိပေးထားသည်။
ယနေ့ မေလ ၆ ရက်နေ့ နံနက် ၁၀ နာရီကျော်ခန့်တွင် ဖားဆောင်းမြို့နယ်ကို လာရောက်သည့် အ ကြမ်း ဖက် စစ်တပ်၏ ရဟတ်ယာဉ်တစ်စီးကို တော်လှန်ရေး တပ်ဖွဲ့များက ဘောလခဲမြို့ နယ် အနီးအနိမ့်ပျံသန်းစဉ် ပစ်ချနိုင်ခဲ့ခြင်းဖြစ်ကြောင်း သိရသည်။
https://youtu.be/Sbaw5buAoBs
ထိုသို့ ပစ်ချမှုကြောင့် ထိမှန်ကာ ဘောခလဲဗျူဟာစခန်းဘက်အထိ ပျံသန်းသွားပြီး ဘောလဲဗျူဟာ စခန်းမရောက်မီ ပျက်ကျခဲ့ခြင်းဖြစ်ကြောင်း၊ ပျက်ကျသွားသည့် နေရာအတိအကျကို သိရှိရခြင်း မရှိ သေးကြောင်း သိရသည်။
ပစ်ချခံရသည့် ရဟတ်ယာဉ်မှာ MI 17 ရဟတ်ယာဉ်ဖြစ်နိုင်ပြီး လူနာသယ်ဆောင်ပြီး ပျံတက်ချိန် ပစ်ချနိုင်ခဲ့ခြင်းဖြစ်ကြောင်း သိရသည်။
၂၀၂၁ ခုနှစ် စစ်အာဏာသိမ်းပြီးချိန်မှစတင်၍ စစ်ကောင်စီ၏ ရိက္ခာသယ်ယူပို့ဆောင်ရေး ရဟတ် ယာဉ်၊ တိုက်လေယာဉ်များ အပါအဝင် စုစုပေါင်း ၇ စီးကို တိုင်းရင်းသား တော်လှန်ရေးတပ်များနှင့် ပြည်သူ့ ကာကွယ်ရေးတပ်များက ပစ်ချခဲ့ပြီးဖြစ်ရာ ယနေ့ရဟတ်ယာဉ်ပါဆိုလျှင် စုစုပေါင်း ပစ်ချနိုင် ခဲ့ သော တိုက်လေယာဉ်နှင့် ရဟတ်ယာဉ် ၈ စီးရှိလာပြီဖြစ်ကြောင်း သိရသည်။
D Day News
