အကြမ်းဖက်စစ်ကောင်စီ၏ သန်းခေါင်စာရင်း ကောက်ယူခြင်းကို အားပေးကူညီသူများအား ပြင်း ထန်စွာအရေးယူမည်ဟု PDF Zoland ထုတ်ပြန်
D Day News
စက်တင်ဘာလ ၂၇
ချင်းပြည်နယ်တွင် အကြမ်းဖက်စစ်ကောင်စီ၏ သန်းခေါင်စာရင်းကောက်ယူမှုကို အားပေးကူညီသူ များအား ပြင်းထန်စွာ အရေးယူသွားမည်ဖြစ်ကြောင်း PDF Zoland က ထုတ်ပြန်သည်။
အာဏာလု အကြမ်းဖက်စစ်ကောင်စီက ၂၀၂၄ ခုနှစ်၊ အောက်တိုဘာလ ၁ ရက်နေ့မှစ၍ အိမ်ထောင်စု စာရင်း၊ သန်းခေါင်စာရင်းများ ကောက်ယူရန် ကြေညာချက် ထုတ်ပြန်လာကြပြီး ၎င်းကြေညာ ချက် အား ZFU/PDF Zoland မှာ လုံးဝ ကန့်ကွက်သည်ဟု PDF-Zoland page တွင် ထုတ်ပြန် ကြေညာ ထားကြောင်း အသိပေးထားသည်။
အများပြည်သူ အကျိုးအတွက်မဟုတ်ဘဲ မိမိတို့အာဏာ သက်ဆိုးရှည်ရေးအတွက် အဓမ္မကြိုးပမ်း ခြင်းသာ ဖြစ်သည့်အတွက် ချင်းပြည်နယ် (Zogam) အတွင်း အိမ်ထောင်စု စာရင်းကောက်ယူခြင်းကို အားပေး၊ ကူညီသည့် မည်သူ့ကိုမဆို ပြတ်သားစွာ အရေးယူမည်ဖြစ်ကြောင်း ZFU/PDF Zoland က ထုတ်ပြန်ထားခြင်းဖြစ်သည်။
D Day News
မှတ်ချက်များ ပေးခဲ့နိုင်ပါတယ်...
