မင်းတပ်မြို့သိမ်းတိုက်ပွဲမှ ထွက်ပြေးသွားသော စစ်သားများက မြေဖို့ဝှက်ထားခဲ့သည့် လက်နက်များ ကို တာဝန်သိပြည်သူများက CDF – Mindat ထံ လာရောက် အပ်နှံ

မင်းတပ်မြို့သိမ်းတိုက်ပွဲမှ ထွက်ပြေးသွားသော စစ်သားများက မြေဖို့ဝှက်ထားခဲ့သည့် လက်နက်များ ကို တာဝန်သိပြည်သူများက CDF – Mindat ထံ လာရောက် အပ်နှံ

သံလွင်မြန်မာသတင်း

ဩဂုတ်လ ၂၉

ချင်းပြည်နယ်၊ မင်းတပ်မြို့သိမ်းတိုက်ပွဲမှ ထွက်ပြေးသွားသော စစ်သားများက မြေဖို့ ဖွတ်ထားခဲ့သည့် လက်နက်ခဲယမ်းများကို တာဝန်သိပြည်သူများက Chin Defense Force – Mindat ထံ လာရောက် အပ်နှံခဲ့ကြောင်း ထုတ်ပြန်ထားသည်။

ယနေ့ ဩဂုတ်လ ၂၉ ရက်နေ့တွင် မင်းတပ်မြို့သိမ်းတိုက်ပွဲအတွင်း ကစဉ့်ကလျားထွက်ပြေးသွား သည့် စစ်ကောင်စီတပ်သားများက မြေဖို့ဖွတ်ထားခဲ့သည့် MA1 အမျိုးအစား သေနတ် ၃ လက်၊ ၄၀ မမ ဗုံးသီး ၆ လုံး နှင့်အခြားလက်နက်ဆက်စပ်ပစ္စည်းများကို တာဝန်သိ ပြည်သူများက Chin Defense Force – Mindat စစ်ဦးစီးချုပ်ရုံးထံ လာရောက်အပ်နှံပေးခဲ့ခြင်းဖြစ်ကြောင်း သိရသည်။

ထိုသို့ လက်နက်ခဲယမ်းများ လာရောက်အပ်နှံသည့် ပြည်သူများကို Chin Defense Force – Mindat စစ်ဦးစီးချုပ်ရုံးက ဆုကြေးငွေများ ချီးမြှင့်ပေးခဲ့ကြောင်း သိရသည်။

အလားတူ ဩဂုတ်လ ၂၄ ရက်နေ့ကလည်း အကြမ်းဖက်စစ်ကောင်စီတပ်သားများ မြေဖို့ဝှက်ထားခဲ့ သည့် MA4 အမျိုးအစား သေနတ် ၁ လက် ၊ MA 3 အမျိုးအစား သေနတ် ၁ လက်၊ MA1 အမျိုး အစား သေနတ် ၁ လက် ၊ ၄၀ မမ ဗုံးသီး ၅ လုံး နှင့် အခြားလက်နက်ဆက်စပ်ပစ္စည်းများကို လာရောက်အပ် နှံပေးခဲ့သော တာ၀န်သိပြည်သူများကို CDF – Mindt စစ်ဦးစီးချုပ်ရုံးက ဆုငွေများချီးမြှင့်ပေးခဲ့ ကြောင်း သိရသည်။

ထို့အပြင် ဩဂုတ်လ ၂၂ ရက်နေ့ကလည်း မင်းတပ်မြို့မှ ကစဉ့်ကလျားဆုတ်ခွာပြေးသွားသည့် အကြမ်းဖက်စစ်ကောင်စီတပ်သားများက မြေဖို့ ဝှက်သိမ်းထားခဲ့သော MA 15 အမျိုး အစား (စက် လတ်) ၁ လက် ၊ RPG 7 အမျိုးအစား လက်နက်ကြီး ၁ လက်၊ MA4 အမျိုးအစား သေနတ် ၁ လက် ၊ MA 3 အမျိုးအစား သေနတ် ၁ လက်နှင့် ဆက်စပ်ပစ္စည်းများကို လာရောက်အပ်နှံပေးခဲ့မှု ရှိခဲ့ ကြောင်း သိရသည်။

Thanlwin Myanmar Media

မှတ်ချက်များ ပေးခဲ့နိုင်ပါတယ်...
ရေဖြူမြို့နယ်၊ မရမ်းချောင်းရွာ ရှေ့တန်းစစ်မြေမှ စစ်မှုထမ်းတပ်သား ၄ ဦး ထွက်ပြေးလာပြီး အလင်း ဝင်

ရေဖြူမြို့နယ်၊ မရမ်းချောင်းရွာ ရှေ့တန်းစစ်မြေမှ စစ်မှုထမ်းတပ်သား ၄ ဦး ထွက်ပြေးလာပြီး အလင်း ဝင်

သံလွင်မြန်မာသတင်း ဩဂုတ်လ ၂၉ တနင်္သာရီတိုင်း၊ ရေဖြူမြို့နယ်၊ မရမ်းချောင်းကျေးရွာ ရှေ့တန်းစစ်မြေမှ စစ်မှုထမ်းတပ်သား ၄ ဦး ထွက်ပြေးလာပြီး အလင်းဝင်ခဲ့ကြောင်း နည်းဗျူဟာ ၃၃ က ထုတ်ပြန်သည်။ ဩဂုတ်လ ၁၉ ရက်နေ့မှစ၍ ရေဖြူမြို့နယ်၊ ကော့လှိုင်းကျေးရွာ၊ မရမ်းချောင်းကျေးရွာနှင့် မိုင် ၆၀ ကျေးရွာတို့ဘက်သို့...