သံလွင်မြန်မာသတင်း
ဩဂုတ်လ ၂၂
ချင်းပြည်နယ်၊ ကန်ပက်လက်မြို့နယ်ကို ဦးတည်လာသည့် တင့်ကား ၂ စီး၊ စစ်ကား ၁၃၆ စီးပါ စစ် ကြောင်းကို တိုက်ခိုက်ချေမှုန်းရန် ဆွဲလွဲကျင်း -ကျင်ဒွေးလမ်းပိုင်းနှင့် ဆော -ကန်ပကလက်လမ်းပိုင်း များကို ယာယီပိတ်လိုက်ကြောင်း CDF Kanpetlet က ထုတ်ပြန်သည်။
မကွေးတိုင်း၊ လောင်းရှည် ကပစ ၂၅ မှ အကြမ်းဖက်စစ်သား အင်အား ၈၀၀ ဝန်းကျင်၊ ဆိပ်ဖြူ ဖက်မှ တက်လာသည့် စစ်သား အင်အား ၄၀၀ ဝန်းကျင်၊ ပေါက်မြို့နယ်သို့ ရောက်ရှိနေသော ပခုက္ကူ၊ တပ်မ ၁၀၁ မှ တက်လာသည့် တင့်ကား ၂ စီး၊ စစ်ကား ၁၃၆ စီးပါ စစ်ယာဉ်တန်းနှင့် စစ်သားများသည် ချင်း ပြည်နယ်တွင် ရွေးကောက်ပွဲကျင်းပနိုင်ရေးအတွက် ချင်းညီနောင်သိမ်းပိုက် ထိန်းချုပ်ထားသည့် မင်း တပ်မြို့နယ်၊ ကန်ပက်လက်မြို့နယ်၊ မတူပီမြို့နယ်များသို့ မကွေးတိုင်း၊ ယောဒေသမှ တဆင့် အင် အား အလုံးအရင်းဖြင့် အချိန်မရွေး ပြန်လည်ထိုးစစ်ဆင်တိုက်ခိုက်နိုင်ရန် ဦးတည်ချဉ်းကပ်လာ လျက် ရှိကြောင်း သိရသည်။
ထို့ကြောင့် ဩဂုတ်လ ၂၀ ရက်နေ့မှစ၍ ကန်ပက်လက်မြို့နယ်အတွင်းရှိ ဆွဲလွဲ ကျင်း-ကျင်ဒွေးလမ်း ပိုင်းနှင့် ဆော-ကန်ပက်လက် လမ်းပိုင်းများအပြင် မကွေးတိုင်းမှ ကန်ပက်လက်မြို့နယ်အတွင်းသို့ ဝင်ရောက်နိုင် သည့်လမ်းပိုင်း များအား CDF-Kanpetlet တပ်ဖွဲ့မှ နောက်ထပ် ထုတ်ပြန်ချက် တစ်စုံ တရာပြန်လည် ထုတ်ပြန်ခြင်းမရှိသရွေ့ ယာယီပိတ်ထားမည်ဖြစ်ကြောင်း အသိပေးထားသည်။
ထို့အပြင် ကန်ပက်လက်မြို့နယ်အတွင်းရှိ မိဘပြည်သူများအနေဖြင့်လည် အကြမ်းဖက် စစ်ကောင်စီ တပ်မှ အချိန်မရွေး ထိုးစစ်ဆင်လာနိုင်သောကြောင့် စစ်ရေးသတိရှိရှိ ကြိုတင်ပြင်ဆင်ထားကြရန်နှင့် အချိန်မရွေး နေရာ မရွေး တိုက်ခိုက်လာနိုင်သည့် လေကြောင်းတိုက်ခိုက်မှုအန္တရာယ်မှ ကာကွယ်နိုင် ရန် လေကြောင်း ဒဏ်ခံ နိုင်သည့် ဗုံးခိုကျင်း၊ ကတုတ်ကျင်းများတူး၍ သတိရှိရှိ နေထိုင်ပေးကြရန် တိုက်တွန်းနှိုးဆော်ထားသည်။
အကြမ်းဖက်စစ်ကောင်စီက နိုင်ငံတဝန်းရှိ မြို့နယ်ပေါင်း ၂၆၇ မြို့နယ် တွင် ရွေးကောက်ပွဲ ကျင်းပ မည်ဟု ထုတ်ပြန်ခဲ့ကြောင်း၊ ထို့နောက် ဩဂုတ်လ ၁၆ ရက်နေ့တွင် အာဏာသိမ်း စစ်ဗိုလ်ချုပ်များ ဖြင့် ဖွဲ့စည်းထားသော အကြမ်းဖက်စစ်ကော်မရှင်ကအမျိုးသားညီညွတ်ရေးအစိုးရ (NUG) နှင့် ချင်း ညီနောင် (CB) အပါအဝင် တိုင်းရင်းသားလက်နက်ကိုင် အဖွဲ့အစည်းများ ထိန်းချုပ်ထားသော မြို့ နယ် ၆၃ မြို့နယ်ပါ ရွေးကောက်ပွဲပြုလုပ်မည်ဟု ထပ်မံထုတ်ပြန်ကြေညာထားခဲ့ကြောင်း သိရသည်။
Thanlwin Myanmar Media
