သံလွင်မြန်မာသတင်း
အောက်တိုဘာလ ၂၄
ချင်းပြည်နယ်၊ ကန်ပက်လက်မြို့တွင် ကျင်းပနေသော မင်္ဂလာဆောင်ပွဲတစ်ခုကို အကြမ်းဖက် စစ်ကောင်စီတပ်က လေကြောင်းဖြင့် ဗုံးကျဲတိုက်ခိုက်ခဲ့ရာ CDF ကန်ပက်လက် ရဲမေတစ်ဦး အပါ အဝင် ပြည်သူ ၃ ဦး သေဆုံးခဲ့ပြီး အများအပြား ဒဏ်ရာရရှိခဲ့ကြောင်း ဒေသနေပြည်သူများထံက သိရသည်။
ယနေ့ အောက်တိုဘာလ ၂၄ ရက် နံနက် ၉ နာရီ ၂၀ မိနစ်က ကန်ပက်လက်မြို့၊ မြို့မ ၂ ရပ်ကွက် ၁၀ မိုင်းကုန်း၌ ကျင်းပသော မင်္ဂလာဆောင်ပွဲတစ်ခုကို အကြမ်းဖက်စစ်ကောင်စီ ရုံးစိုက်ရာ နေပြည်တော် မှ တက်လာသော ဂျက်ဖိုက်တာတစ်စီးဖြင့် ဗုံး ၂ လုံးကျဲချတိုက်ခိုက်ခဲ့ရာ ရဲမေ ၁ ဦးနှင့် ပြည်သူ ၂ ဦး စုစု ပေါင်း ၃ ဦး သေဆုံးခဲ့ပြီး အများအပြား ထိခိုက်ဒဏ်ရာရရှိခဲ့ကြောင်း သိရသည်။
“ရဲမေ ၁ ယောက်နဲ့ ပြည်သူ ၂ ယောက်သေတယ်လို့တော့ ကနဦး သတင်းရတယ်။ ဒဏ်ရာရတာတွေ လည်းများတယ်၊ အတိအကျတော့ ပြောလို့မရသေးဘူး” ဟု ဒေသနေပြည်သူက ပြောကြားသည်။
အကြမ်းဖက်စစ်ကောင်စီတပ်က ပြည်သူလူထုကို ပစ်မှတ်ထားကာ လေကြောင်းဖြင့် ဗုံးကျဲတိုက် ခိုက်လျက်ရှိသောကြောင့် မိဘပြည်သူများအနေဖြင့် လူစုလူဝေးပြုလုပ်ခြင်းကို ရှောင်ကျဉ်ကြရန်၊ လေကြောင်းရန် ကာကွယ်ရေးဆိုင်ရာ သတိပေးချက်များ လိုက်နာပေးကြပါရန်နှင့် ဗုံးခိုကျင်းများ ခိုင်ခိုင်မာမာတူးထားကြရန် တော်လှန်ရေးအဖွဲ့အစည်းများက တိုက်တွန်းထားသည်။
Thanlwin Myanmar Medai
