ချောင်းဦးမြို့မရဲစခန်း၊ ထွေအုပ်ရုံး နှင့် ဆက်ကြေးကောက်နေသော စခန်းတို့ကို ဗုံးကြဲပစ်ခတ် တိုက်ခိုက်မှု စခန်းမှူးအပါအဝင် ၄ ဦးသေဆုံး
D Day News
ဩဂုတ်လ ၆
စစ်ကိုင်းတိုင်း၊ ချောင်းဦးမြို့နယ်၊ ချောင်းဦးမြို့မရဲစခန်း၊ ထွေအုပ်ရုံးနှင့် ရဲစခန်းအနီး ဆက်ကြေး ကောက်နေသော စခန်းပါအုပ်စုကို ဗုံးကြဲပစ်ခတ်တိုက်ခိုက်ခဲ့ရာ စခန်းမှူးအပါအဝင် ၄ ဦးသေဆုံးခဲ့ ကြောင်း ပြည်သူ့ကာကွယ်ရေးတပ်ဖွဲ့များထံမှ သိရသည်။
ယနေ့ ဩဂုတ်လ ၆ ရက် နံနက် ၉ နာရီခန့်က ချောင်းဦးမြို့မ ရဲစခန်းနှင့် မီတာ ၁၂၀ အကွာ၌ လမ်း သွားလမ်းလာပြည်သူများကို ဆက်ကြေးကောက်နေသော စခန်းမှူးအပါအဝင် ရဲများကို ပစ်ခတ် တိုက်ခိုက်ခဲ့ရာ စခန်းမှူးနှင့် အခြားအဆင့် ရဲတစ်ဦး သေဆုံးပြီး ရဲတစ်ဦး အပြင်းအထန်ရရှိခဲ့ကြောင်း သိရသည်။
အဆိုပါ တိုက်ခိုက်မှုကို မုံရွာခရိုင် အမှတ် ၁၅ တပ်ရင်း တပ်ခွဲ ၁၅ တပ်ခွဲ ၃ {ဗိုလ်နိုင် -လေပွေမုန်တိုင်း တပ်ခွဲ} မှ ရဲဘော်များက ပစ်ခတ်တိုက်ခိုက်ခဲ့ခြင်းဖြစ်ကြောင်း သိရသည်။
အလားတူ ယမန်နေ့ ဩဂုတ်လ ၅ ရက် ညနေ ၃ နာရီ မိနစ် ၃၀ အချိန်တွင် အကြမ်းဖက်စစ်သား၊ ရဲ၊ ပျူ အင်အား ၈၀ ခန့်ဖြင့် တပ်စွဲထားသော ချောင်းဦးမြို့မရဲစခန်းနှင့် အထွေထွေအုပ်ချုပ်ရေးမှူးရုံး တို့ ကို ကြံတိုင်းအောင်စစ်ဆင်ရေး အဖြစ် Shar Htoo Waw နည်းပညာသုံး Fixed Wings ဒရုန်း ၃ စီးဖြင့် Drop Bomb ၅ လုံး ကြဲချ တိုက်ခိုက်ခဲ့ ရာ အကြမ်းဖက်စစ်သား ၂ ဦး ပွဲချင်းပြီး သေဆုံးခဲ့ကြောင်း သိ ရသည်။
ထို့သို့ တိုက်ခိုက်မှုအတွင်း အကြမ်းဖက်စစ်သားများက ဒရုန်း Shooter ဖြင့် ပစ်ချမှုကြောင့် ဒရုန်းတစ် စီး ပျက်ကျဆုံးရှုံးခဲ့သည့်အပြင် လက်နက်ကြီးများဖြင့် ရမ်းသမ်းပစ်ခတ်မှုကြောင့် ပြည်သူ တစ်ဦး ထိ ခိုက်ဒဏ်ရာရရှိခဲ့ကြောင်း သိရသည်။
အဆိုပါတိုက်ခိုက်မှုကို Peacock Drone team -Myaung ၊ Standard Revolution Force-SRF MMU ၊ မိုင်းမင်းသား (အရာတော်) နှင့် ချောင်းဦးမြို့နယ် ပကဖ (C H U) တို့ ပူးပေါင်းကာ တိုက် ခိုက်ခဲ့ခြင်းဖြစ်ကြောင်း သိရသည်။
D Day News
