အတင်းအဓမ္မစစ်သားစုဆောင်းခြင်းခံရသူ စစ်ကောင်စီတပ်သား ၄ ဦး လက်နက် ၃ လက်နှင့်အတူ KNDF ထံအလင်းဝင်
သံလွင်မြန်မာသတင်း
ဒီဇင်ဘာလ ၁၈
အကြမ်းဖက်စစ်ကောင်စီတပ်ဖွဲ့၏ အတင်းအဓမ္မစစ်သားစုဆောင်းခြင်းခံရသူ စစ်ကောင်စီတပ်သား ၄ ဦး လက်နက် ၃ လက်နှင့်အတူ အလင်းဝင်ရောက်ခဲ့ကြောင်း KNDF ဗဟို သတင်းနှင့်ပြန်ကြားရေး ဌာန ထံမှ သိရသည်။
ဒီဇင်ဘာလ ၁၁ ရက်နေ့က ကရင်နီပြည်နယ်၊ လွိုင်ကော်မြို့နယ်ရှေ့တန်းနေရာတစ်ခုတွင် ရောက်ရှိ နေသည့် အတင်းအဓမ္မစစ်သားစုဆောင်းခြင်းခံရသူ တပ်သား ၄ ဦးသည် MA 1 အမျိုးအစား သေနတ် ၃ လက်၊ခဲယမ်းများယူဆောင်ထွက်ပြေးလာကာ KNDF တပ်ရင်းတပ်ဖွဲ့များထံ အလင်းဝင်ခဲ့ခြင်းဖြစ် ကြောင်း သိရသည်။
စစ်ကောင်စီ၏ တပ်ဖွဲ့ဝင်များအနေဖြင့် အာဏာရှင်စနစ် သက်ဆိုးရှည်စေရေးနှင့် လူတစ်စုကောင်း စား ရေးအတွက် ပေးဆပ်လုပ်ကိုင်နေသောဘဝနှင့် ပြည်သူအပေါ် ကျောခိုင်းခြင်းမျိုး မပြုလုပ်ကြဘဲ လွတ်လပ်မျှတသော စနစ်တစ်ခုအမြန်ပေါ်ထွန်းနိုင်ရန် ပြည်သူသို့မျက်နှာမှု၍ ယုံကြည်စွာဖြင့် ဘက် ပြောင်းခိုလှုံလာကြရန် KNDF ဗဟိုက တိုက်တွန်းထားသည်။
Thanlwin Myanmar Media
